บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑ ภาษาบาลี อักษรไทย วินย.อ. (สมนฺต.๑) หน้าที่ ๖๑๔.
วารเปยฺยาลเภโท เวทิตพฺโพ ฯ โย เต วิหาเร เยน เต วิหาโร ยํ ตฺวํ อาคมฺม วิหารนฺติ เอวํ ปริยาเยน วุตฺตตฺตา ปน อหนฺติ อวุตฺตตฺตา จ ปฏิวิชานนฺตสฺส วุตฺเตปิ อิธ ถุลฺลจฺจยํ อปฏิวิชานนฺตสฺส ทุกฺกฏนฺติ อยเมตฺถ วินิจฺฉโย ๑- ฯ เอวํ วิตฺถารวเสน อาปตฺติเภทํ ทสฺเสตฺวา อิทานิ อนาปตฺตึ ทสฺเสนฺโต อนาปตฺติ อธิมาเนนาติอาทิมาห ฯ ตตฺถ อธิมาเนนาติ อธิกมาเนน สมุทาจรนฺตสฺส อนาปตฺติ ฯ อนุลฺลปนาธิปฺปายสฺสาติ โกหญฺเน อิจฺฉาจาเร อฏฺตฺวา อนุลฺลปนาธิปฺปายสฺส สพฺรหฺมจารีนํ สนฺติเก อญฺ พฺยากโรนฺตสฺส อนาปตฺติ ฯ อุมฺมตฺตกาทโย ปุพฺเพ วุตฺตนยาเอว ฯ อิธ ปน อาทิกมฺมิกา วคฺคุมุทาตีริยา ภิกฺขู เตสํ อนาปตฺตีติ ฯ ปทภาชนียวณฺณนา นิฏฺิตา ฯ สมุฏฺานาทีสุ ฯ อิทํ สิกฺขาปทํ ติสมุฏฺานํ หตฺถมุทฺธาย อาโรเจนฺตสฺส กายจิตฺตโต วจีเภเทน อาโรเจนฺตสฺส วาจาจิตฺตโต อุภยํ กโรนฺตสฺส กายวาจาจิตฺตโต สมุฏฺาติ กิริยา สญฺาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ติเวทนิกํ ฯ หสนฺโตปิ หิ โสมนิสฺสิโต อุลฺลปติ ภายนฺโตปิ มชฺฌตฺโตปิ ฯ {๒๒๓} วินีตวตฺถูสุ อธิมานวตฺถุ อนุปฺปญฺตฺติยํ วุตฺตนยเมว ฯ ทุติยวตฺถุสฺมึ ฯ ปณิธายาติ ปฏฺนํ กตฺวา ฯ เอวํ มํ ชโน สมฺภาเวสฺสตีติ เอวํ อรญฺเ วสนฺตํ มํ ชโน อรหตฺเต @เชิงอรรถ: ๑. เทฺว วาเร อุปาทาย ปจฺจยปฏิสํยุตฺตวารกถา นิฏฺิตาติ วตฺตพฺพํ ฯเนื้อความอรรถกถาฉบับภาษาบาลี อักษรไทย เล่มที่ ๑ หน้าที่ ๖๑๔. http://84000.org/tipitaka/read/attha_page.php?book=1&page=614&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=1&A=12889&pagebreak=1 http://84000.org/tipitaka/atthapali/th_line.php?B=1&A=12889&pagebreak=1#p614
จบการแสดงผล หน้าที่ ๖๑๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]