Gacchami dhammanca bhikkhusamghancati bhagavantanca dhammanca samghancati 1- imam ratanattayam
saranam gacchami. Upasakam mam bhante bhagava dharetuti mam bhagava "upasako
ayan"ti evam dharetu, janatuti attho. Ajjataggeti ajjatam adim katva.
Ajjadaggeti va patho, dakaro padasandhikaro, ajja aggam katvati attho.
Panupetanti panehi upetam. Yava me jivitam pavattati, tava upetam anannasatthukam
tihi saranagamanehi saranagatam upasakam kappiyakarakam mam bhagava dharetuti ayamettha
sankhepo, vittharo pana sumangalavilasiniya dighanikayatthakathaya samannaphalasutte
sabbakarena vuttoti. Pathamam.
2. Purissuttavannana
[113] Dutiye abhivadetvati purimasutte saranagatatta idha abhivadesi.
Ajjhattanti niyakajjhattam, attano santane uppajjantiti attho. Lobhadisu
lubbhanalakkhano lobho, dussanalakkhano doso, muyhanalakkhano moho. 2- Himsantiti
vihethenti nasenti vinasenti. Attasambhutati attani sambhuta. Tacasaramva
sapphalanti 3- yatha tacasaram velum va nalam va attano phalam himsati vinaseti,
evam himsanti vinasentiti. Dutiyam.
3. Jaramaranasuttavannana
[114] Tatiye annatra jaramaranati jaramaranato mutto nama atthiti
pucchati. Khattiyamahasalati khattiyamahasala nama mahasarappatta khattiya.
Yesam hi khattiyanam hetthimantena kotisatam nidhanagatam hoti, tayo kahapanakumbha
valanjanatthaya gehamajjhe rasim katva thapita honti, te khattiyamahasala
nama. Yesam brahmananam asitikotidhanam nihitam hoti, diyaddho kahapanakumbho
valanjanatthaya gehamajjhe rasim katva thapito hoti, te brahmanamahasala
@Footnote: 1 cha.Ma., i. bhikkhusamghancati 2 cha.Ma. mohoti
@3 cha.Ma., i. samphalanti, ka. vamsaphalanti
The Pali Atthakatha in Roman Character Volume 11 Page 130.
http://84000.org/tipitaka/read/attha_page.php?book=11&page=130&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=3392&modeTY=2&pagebreak=1
http://84000.org/tipitaka/atthapali/rm_line.php?B=11&A=3392&modeTY=2&pagebreak=1#p130
