อรรถกถาเล่มที่ ๑๑ หน้าที่ ๑๓๓.

๗. อตฺถกรณสุตฺตวณฺณนา [๑๑๘] สตฺตเม กามเหตูติ กามมูลกํ. กามนิทานนฺติ กามปจฺจยา. กามาธิกรณนฺติ กามการณา. สพฺพานิ เหตานิ อญฺญมญฺญเววจนาเนว. ภทฺรมุโขติ สุนฺทรมุโข. เอกทิวสํ กิร ราชา อตฺถกรเณ ^๑- นิสีทิ. ตตฺถ ปฐมตรํ ลญฺจํ คเหตฺวา นิสินฺนา อมจฺจา อสฺสามิเก ^๒- สามิเก กรึสุ. ราชา ตํ ญตฺวา "มยฺหํ ตาว ปฐวิสฺสรสฺส สมฺมุขา เจเต ^๓- เอวํ กโรนฺติ, ปรมฺมุขา กินฺนาม น กริสฺสนฺติ, ปญฺญายิสฺสติ อิทานิ วิฑูฑโภ ^๔- เสนาปติ สเกน รชฺเชน, กึ มยฺหํ เอวรูเปหิ ลญฺจขาทเกหิ มุสาวาทีหิ สทฺธึ เอกฏฺฐาเน นิสชฺชายา"ติ จินฺเตสิ. ตสฺมา เอวมาห. ขิปฺปํว โอฑฺฑิตนฺติ กุมินํ วิย โอฑฺฑิตํ. ยถา มจฺฉา โอฑฺฑิตํ กุมินํ ปวิสนฺตา น ชานนฺติ, เอวํ สตฺตา กิเลสกาเมน วตฺถุกามํ วีติกฺกมนฺตา น ชานนฺตีติ อตฺโถ. สตฺตมํ. ๘. มลฺลิกาสุตฺตวณฺณนา [๑๑๙] อฏฺฐเม อตฺถิ นุ โข เต มลฺลิเกติ กสฺมา ปุจฺฉติ? อยํ กิร มลฺลิกา ทุคฺคตมาลาการสฺส ธีตา, เอกทิวสํ อาปณโต ปูวํ คเหตฺวา "มาลารามํ คนฺตฺวาว ขาทิสฺสามี"ติ คจฺฉนฺตี ปฏิปเถ ภิกฺขุสํฆปริวารํ ภควนฺตํ ภิกฺขาจารํ ปวิสนฺตํ ทิสฺวา ปสนฺนจิตฺตา ตํ ภควโต อทาสิ, สตฺถา นิสีทนาการํ ทสฺเสสิ. อานนฺทตฺเถโร จีวรํ ปญฺญเปตฺวา อทาสิ. ภควา ตตฺถ นิสีทิตฺวา ตํ ปูวํ ปริภุญฺชิตฺวา มุขํ วิกฺขาเลตฺวา สิตํ ปาตฺวากาสิ. เถโร "อิมิสฺสา ภนฺเต โก วิปาโก ภวิสฺสตี"ติ ปุจฺฉิ. อานนฺท อชฺเชว สา ^๕- ตถาคตสฺส ปฐมํ โภชนํ อทาสิ, อชฺเชว โกสลรญฺโญ อคฺคมเหสี ภวิสฺสตีติ. ตํทิวสเมว ^๖- ราชา กาสิคาเม ภาคิเนยฺเยน ยุทฺเธ ^๗- ปราชิโต ปลายิตฺวา นครํ อาคจฺฉนฺโต มาลารามํ ปวิสิตฺวา พลกายสฺส อาคมนํ อาคเมสิ. ตสฺส สา วตฺตํ อกาสิ. โส ตาย กตวตฺเต ^๘- ปสีทิตฺวา ตํ อนฺเตปุรํ อติหาราเปตฺวา ตํ อคฺคมเหสิฏฺฐาเน ฐเปสิ. @เชิงอรรถ: ^๑ ฉ.ม. อฑฺฑกรเณ ^๒ ฉ.ม., อิ. อสฺสามิเกปิ ^๓ ฉ.ม., อิ. เปเต @^๔ ฉ.ม. วิฏฺฏูโภ, สี. วิชฏโภ ^* ฉ.ม. อฑฺฑ.... ^๕ ฉ.ม., อิ. อชฺเชสา @^๖ ฉ.ม., อิ. ตํทิวสเมว จ ^๗ ฉ.ม., อิ. ยุทฺเธน ^๘ ฉ.ม., อิ. วตฺเต

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๓๓. http://84000.org/tipitaka/read/attha_page.php?book=11&page=133&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3467&modeTY=2&pagebreak=1 http://84000.org/tipitaka/atthapali/th_line.php?B=11&A=3467&modeTY=2&pagebreak=1#p133