Parupitva ettha gantva hattham otaretha"ti. Manicoro cintesi "rajabhandam
vissajjetum va valanjetum va na sakka"ti. So geham gantva manim upakacchake
thapetva satakam parupitva agamma udakacatiyam pakkhipitva pakkami. Mahajane
patikkante rajamanussa catiyam hattham otaretva manim disva aharitva ranno
adamsu. "anandattherena kira dassitanayena mani dittho"ti mahajano kolahalam
akasi. Te bhikkhu tam sukatakaranam 1- tathagatassa arocenta imam pavattim
arocesum. Sattha "anacchariyam bhikkhave, yam anando manussanam hattharulhamanim
aharapeyya, yattha pubbe pandita attano nane thatva ahetukapatisandhiyam
nibbattanam tiracchanagatanampi hattharulham bhandam aharapetva ranno adamsu"ti
vatva:-
"ukkatthe suramicchanti mantisu 2- akutuhalam
piyanca annapanamhi atthe jate ca panditan"ti 3-
mahasarajatakam kathesi.
Na tam dalhanti tam bandhanam thiranti na kathenti. Yadayasanti yam ayasa
katam. Sarattarattati sutthu rattaratta, sarattena va ratta, 4- saram idanti
mannanaya 5- rattati attho. Apekkhati alayo nikanti. Ahuti kathenti.
Oharinanti 6- catusu apayesu akaddhanakam. Sithilanti na ayasadibandhanam viya
iriyapatham nivaretva thitam. Tena hi bandhanena baddha paradesampi parasamuddampi 7-
gacchantiyeva. Duppamuncanti annatra lokuttarananena muncitum asakkuneyyanti.
Dasamam. pathamo vaggo.
-----------
@Footnote: 1 cha.Ma., i. karanam 2 ka. mantesu 3 khu. ja. ekaka. 27/92/30 mahasarajataka
@4 cha.Ma. ratta sarattaratta 5 Si.,i. mannamana 6 ka. oharinti
@7 cha.Ma. ayam patho na dissati
The Pali Atthakatha in Roman Character Volume 11 Page 140.
http://84000.org/tipitaka/read/attha_page.php?book=11&page=140&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=3652&modeTY=2&pagebreak=1
http://84000.org/tipitaka/atthapali/rm_line.php?B=11&A=3652&modeTY=2&pagebreak=1#p140
