ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๔๘.

เม ธีตุ มหนฺตํ อิสฺสริยํ ทินฺนํ, สเจ ปุตฺตํ อลภิสฺส, มหนฺตํ สกฺการํ อทฺธา
คมิสฺส, ๑- ตโต ทานิ ปริหีนา"ติ อนตฺตมโน อโหสิ. เสยฺยาติ ทนฺธปญฺญสมา
เอลมูคปุตฺตโต เอกจฺจา อิตฺถีเยว เสยฺยา. โปสาติ โปเสหิ. ชนาธิปาติ
ชนาธิปราชานํ ๒- อาลปติ. สสฺสุเทวาติ สสฺสุสสฺสุรเทวตา. ทิสมฺปตีติ ทิสาเชฏฺฐก.
ตาทิสา สุภริยาติ ๓- ตาทิสาย สุภริยาย. ฉฏฺฐํ.
                      ๗. ปฐมอปฺปมาทสุตฺตวณฺณนา
      [๑๒๘]  สตฺตเม สมธิคฺคยฺหาติ สมธิคฺคณฺหิตฺวา, อาทิยิตฺวาติ อตฺโถ.
อปฺปมาโทติ การาปกอปฺปมาโท. สโมธานนฺติ สมอวธานํ อุปกฺเขปํ. เอวเมว
โขติ หตฺถิปทํ วิย หิ การาปกอปฺปมาโท, เสสปทชาตานิ วิย อวเสสา จตุภูมิกา ๔-
กุสลธมฺมา. เต หตฺถิปเท เสสปทานิ วิย อปฺปมาเท สโมธานํ คจฺฉนฺติ,
อปฺปมาทสฺส อนฺโต ปริวตฺตนฺติ. ยถา จ หตฺถิปทํ เสสปทานํ อคฺคํ เสฏฺฐํ
มหนฺตํ, ๕- เอวํ อปฺปมาโท เสสธมฺมานนฺติ ทสฺเสติ. มหคฺคตโลกุตฺตรธมฺมานมฺปิ
เหส ปฏิลาภกฏฺเฐน โลกิโยปิ สมาโน อคฺโคว โหติ.
      อปฺปมาทํ ปสํสนฺตีติ "เอตานิ อายุอาทีนิ ปตฺถยนฺเตน อปฺปมาโทว
กตฺตพฺโพ"ติ อปฺปมาทเมว ปสํสนฺติ. ยสฺมา วา ปุญฺญกิริยาสุ ปณฺฑิตา อปฺปมาทํ
ปสํสนฺติ, ตสฺมา อายุอาทีนิ ปตฺถยนฺเตน อปฺปมาโทว กาตพฺโพติ อตฺโถ.
อตฺถาภิสมยาติ อตฺถปฏิลาภา. สตฺตมํ.
                      ๘. ทุติยอปฺปมาทสุตฺตวณฺณนา
      [๑๒๙] อฏฺฐเม โส จ โข กลฺยาณมิตฺตสฺสาติ โส จายํ ธมฺโม
กลฺยาณมิตฺตสฺเสว สฺวากฺขาโต นาม โหติ, น ปาปมิตฺตสฺส. ๖- กิญฺจาปิ หิ ธมฺโม
สพฺเพสมฺปิ สฺวากฺขาโตว, กลฺยาณมิตฺตสฺส ปน สุสฺสูสนฺตสฺส สทฺทหนฺตสฺส อตฺถํ
ปูเรติ เภสชฺชํ วิย วฬญฺเชนฺตสฺส น อิตรสฺสาติ. เตเนตํ วุตฺตํ. ธมฺโมติ เจตฺถ
เทสนาธมฺโม เวทิตพฺโพ.
@เชิงอรรถ:  ฉ.ม., อิ. อธิคมิสฺส    ฉ.ม., อิ. ชนาธิภุํ ราชานํ, สี. ชนาภิภุํ ราชานํ
@ ฉ.ม., อิ. สุภคิยาติ    ฉ.ม. จตุภูมกา     ฉ.ม.,อิ. อยํ ปาโฐ น ทิสฺสติ
@ ฉ.ม., อิ.ปาปมิตฺตสฺสาติ    * ฉ.ม. กลฺยาณมิตฺตสุตฺต....



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๔๘. http://84000.org/tipitaka/read/attha_page.php?book=11&page=148&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3861&modeTY=2&pagebreak=1 http://84000.org/tipitaka/atthapali/th_line.php?B=11&A=3861&modeTY=2&pagebreak=1#p148


จบการแสดงผล หน้าที่ ๑๔๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]