อรรถกถาเล่มที่ ๑๑ หน้าที่ ๑๕๖.

อกฺโกสตีติ ทสหิ อกฺโกสวตฺถูหิ อกฺโกสติ. ปริภาสตีติ "กสฺมา ติฏฺถ, กึ ตุเมฺหหิ อมฺหากํ กสิกมฺมาทีนิ กตานี"ติอาทีหิ ปริภววจเนหิ ปริภาสติ. โรเสตีติ ฆเฏติ. ^๑- อพฺยคฺคมนโสติ เอกคฺคจิตฺโต. ปมํ. ๒. อยฺยิกาสุตฺตวณฺณนา [๑๓๓] ทุติเย ชิณฺณาติ ชราชิณฺณา. วุฑฺฒาติ วโยวุฑฺฒา. มหลฺลิกาติ ชาติมหลฺลิกา. อทฺธคตาติ อทฺธํ ทีฆกาลํ ^๒- อติกฺกนฺตา. วโยอนุปฺปตฺตาติ ปจฺฉิมวยํ สมฺปตฺตา. ปิยา มนาปาติ รญฺโ กิร มาตริ มตาย อยฺยิกานํ มาติฏฺาเน ^๓- ตฺวา ปฏชคฺคิ, เตนสฺส อยฺยิกาย พลวเปมํ อุปฺปชฺชิ. ตสฺมา เอวมาห. หตฺถิรตเนนาติ สตสหสฺสคฺฆนิโก ^๔- หตฺถี สตสหสฺสคฺฆนิเกน อลงฺกาเรน อลงฺกโต หตฺถิรตนํ นาม. อสฺสรตเนปิ เอเสว นโย. คามวโรปิ สตสหสฺสุฏฺานคาโมว. สพฺพานิ ตานิ เภทนธมฺมานีติ เตสุ หิ กิญฺจิ กยิรมานเมว ^๕- ภิชฺชติ, กิญฺจิ กตวโยสิตํ ^๖- จกฺกโต อนปนีตเมว, กิญฺจิ อปเนตฺวา ภูมิยํ ปิตมตฺตํ, กิญฺจิ ตโต ปรํ, เอวเมว สตฺเตสุปิ โกจิ ปฏิสนฺธึ คเหตฺวา มรติ, โกจิ มุฬฺหคพฺภาย มาตริ มาตุ กุจฺฉิโต อนิกฺขนฺโตว, โกจิ นิกฺขนฺตมตฺโต, โกจิ ตโต ปรนฺติ. ตสฺมา เอวมาห. ทุติยํ. ตติเย สพฺพํ อุตฺตานตฺถเมว. ๔. อิสฺสตฺถสุตฺตวณฺณนา ^*- [๑๓๕] จตุตฺถสฺส อตฺถุปฺปตฺติโก นิกฺเขโป. ภควโต กิร ปมโพธิยํ มหาลาภสกฺกาโร อุทปาทิ ภิกฺขุสํฆสฺส จ. ติตฺถิยา หตลาภสกฺการา หุตฺวา กุเลสุ เอวํ กเถนฺตา วิจรนฺติ:- "สมโณ โคตโม เอวมาห `มยฺหเมว ทานํ ทาตพฺพํ, น อญฺเสํ ทานํ ทาตพฺพํ. มยฺหเมว สาวกานํ ทานํ ทาตพฺพํ, น อญฺเสํ สาวกานํ ทานํ ทาตพฺพํ. มยฺหเมว ทินฺนํ มหปฺผลํ, น อญฺเสํ ทินฺนํ มหปฺผลํ. มยฺหเมว สาวกานํ ทินฺนํ มหปฺผลํ, น อญฺเสํ สาวกานํ ทินฺนํ มหปฺผลนฺ'ติ, @เชิงอรรถ: ^๑ ฉ.ม. โรสโกติ ฆฏฺฏโก ^๒ ฉ.ม., อิ. จิรกาลํ ^๓ ฉ.ม., อิ. อยฺยิกามาตุฏฺาเน @^๔ ฉ.ม., อิ. สตสหสฺสคฺฆนโก ^๕ ฉ.ม., อิ. กริยมานเมว ^๖ ฉ.ม., อิ. กตปริโยสิตํ @^* ฉ.ม. อิสฺสตฺตสุตฺตวณณนา

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๕๖. http://84000.org/tipitaka/read/attha_page.php?book=11&page=156&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4069&pagebreak=1 http://84000.org/tipitaka/atthapali/th_line.php?B=11&A=4069&pagebreak=1#p156