บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑) หน้าที่ ๑๖๗.
ตุยฺหํ กึ เอตฺถ, กสฺมา ตฺวํ อุณฺหยาคุยํ นิลียิตุํ อสกฺโกนฺตี ขุทฺทมกฺขิกา วิย อนฺตนฺเตเนว อุชฺฌายนฺโต อาหิณฺฑสีติ. สตฺตมํ. ๘. นนฺทติสุตฺตวณฺณนา [๑๔๔] อฏฺฐมํ เทวตาสํยุตฺเต วุตฺตตฺถเมว. อฏฺฐมํ. ๙. ปฐมอายุสุตฺตวณฺณนา [๑๔๕] นวเม อปฺปํ วา ภิยฺโยติ ภิยฺโย ชีวนฺโต อปรวสฺสสตํ ชีวิตุํ น สกฺโกติ, ปณฺณาสํ วา สฏฺฐี วา วสฺสานิ ชีวติ. อชฺฌภาสีติ สมโณ โคตโม "มนุสฺสานํ อปฺปมายุนฺ"ติ กเถติ, ทีฆภาวมสฺส กเถสฺสามีติ ปจฺจนีกสาตตาย อภิภวิตฺวา ๑- อภาสิ. น นํ หีเฬติ ตํ อายุํ "อปฺปกํ อิทนฺ"ติ น หีเฬยฺย. ขีรมตฺโตวาติ ยถา ทหโร กุมาโร อุตฺตานเสยฺยโก ขีรํ ปิวิตฺวา ทุกูลจุมฺพิตเก ๒- นิปนฺโน อสญฺญี วิย นิทฺทายติ, กสฺสจิ อายุํ อปฺปํ วา ทีฆํ วาติ น จินฺเตติ, เอวํ สปฺปุริโส. จเรยฺยาทิตฺตสีโสวาติ อายุํ ปริตฺตนฺติ ญตฺวา ปชฺชลิตสีโส วิย จเรยฺย. นวมํ. ๑๐. ทุติยอายุสุตฺตวณฺณนา [๑๔๖] ทสเม เนมิว รถกุพฺพรนฺติ ยถา ทิวสํ คจฺฉนฺตสฺส รถสฺส จกฺกเนมิ กุพฺพรํ อนุปริยายติ น วิชหติ, เอวํ อายุ อนุปริยายตีติ ทสมํ. ปฐโม วคฺโค. --------- ๒. ทุติยวคฺค ๑. ปาสาณสุตฺตวณฺณนา [๑๔๗] ทุติยวคฺคสฺส ปฐเม นิสินฺโนติ ปุพฺเพ วุตฺตนเยเนว ปธานํ ปริคฺคณฺหนฺโต นิสินฺโน. มาโรปิสฺส สุขนิสินฺนภาวํ ญตฺวา ฆฏฺฏยิสฺสามีติ อุปสงฺกนฺโต. ปคฺคเฬสีติ ๓- ปพฺพตปิฏฺเฐ ฐตฺวา ปวิชฺฌิ. ปาสาณา นิรนฺตรา อญฺญมญฺญํ อภิหนนฺตา ปตนฺติ. เกวลนฺติ สกลํ. สพฺพนฺติ ตสฺเสว เววจนํ. ปฐมํ. @เชิงอรรถ: ๑ ม. อธิภวิตฺวา ๒ ฉ.ม., อิ. ทุกูลจุมฺพฏเก ๓ ฉ.ม., อิ. ปทาเลสีติเนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๖๗. http://84000.org/tipitaka/read/attha_page.php?book=11&page=167&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=4357&modeTY=2&pagebreak=1 http://84000.org/tipitaka/atthapali/th_line.php?B=11&A=4357&modeTY=2&pagebreak=1#p167
จบการแสดงผล หน้าที่ ๑๖๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]