7. Ayatanasuttavannana *-
[153] Sattame phassayatanananti sanjatisamosaranatthena chadvarikassa
phassassa ayatananam. Bhayabheravam saddanti meghadundubhiasanipatasaddasadisam bhayajanakam
saddam. Pathavi manne udriyatiti 1- ayam mahapathavi patapatasaddam kurumana viya
ahosi. Ettha loko vimucchitoti etesu chasu arammanesu loko adhimucchito.
Maradheyyanti marassa thanabhutam tebhumikavattam. 2- Sattamam.
8. Pindasuttavannana
[154] Atthame pahunakani bhavantiti tatharupe nakkhatte tattha tattha
pesetabbani pahonakani 3- bhavanti. Agantukapannakaradanani va. Sayam
caranadivaso 4- kira so. Samavayajatigotta kumaraka tato tato sannipatanti.
Kumarikayopi attano attano vibhavanurupena alankata taham taham vicaranti. Tatra
kumarikayopi yatharucitanam kumarakanam pannakaram pesenti, kumarakapi kumarikanam
annasmim asati antamaso malagulenapi parikkhipanti. Anvavitthati anuavittha.
Tamdivasam kira pancasata kumarikayo uyyanakilam gacchantiyo patipathe sattharam disva
mandapuvam 5- dadeyyum, sattha tasam dananumodanattham pakinnakadhammadesanam deseyya,
desanapariyosane sabbapi sotapattiphale patitthaheyyum, maro tasam sampattiya
antarayam karissamiti anvavisi. Paliyam pana ma samano gotamo pindamalatthati.
Ettakamyeva vuttanti.
Kim pana sattha maravattanam ajanitva pavitthoti. Ama ajanitva.
Kasma? anavajjanakataya. Buddhanam hi "asukatthane bhattam labhissama, na
Labhissama"ti avajjanam ananucchavikam. Pavittho pana manussanam upacarabhedam
disva "kim idan"ti avajjento natva "amisattham maravattanam bhinditumpi
ananucchavikan"ti abhinditvava nikkhanto.
@Footnote: 1 cha.Ma. undriyati 2 cha.Ma. tebhumakavattam 3 cha.Ma., i. pahunakani
@4 cha.Ma. caranadivase 5 cha.Ma. chanapuvam * cha.Ma. chaphassayatanasutta....
The Pali Atthakatha in Roman Character Volume 11 Page 170.
http://84000.org/tipitaka/read/attha_page.php?book=11&page=170&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=4433&modeTY=2&pagebreak=1
http://84000.org/tipitaka/atthapali/rm_line.php?B=11&A=4433&modeTY=2&pagebreak=1#p170
