romanATTHA book 11 Page 183.

6. Calasuttavannana [167] Chatthe ko nu tvam idamadapayiti ko nu mandabuddhi balo tam evam gahapesi. Pariklesanti annampi nanappakaram upaddavam. Idani yam maro aha "ko nu tvam idamadapayi"ti, tam maddanti "na mam andhabalo adapesi, loke pana aggapuggalo sattha dhammam desesi"ti dassetum buddhotiadimaha. Tattha sacce nivesayiti paramatthasacce nibbane nivesesi. Nirodham appajanantati nirodhasaccam ajananta. Chattham. 7. Upacalasuttavannana [168] Sattame enti maravasam punati punappunam maranamarakilesamara- devaputtamaranam vasam agacchanti. Padhupitoti santapito. Agati yattha marassati yattha tuyham marassa agati. Tatthati tasmim nibbane. Sattamam. 8. Sisupacalasuttavannana [169] Atthame samani viya dissasiti samanisadisa dissasi. Kimiva carasi momuhati kimkarana momuha viya carasi. Ito bahiddhati imamha sasana bahiddha. ^1- Pasam dentiti ^2- pasanda, sattanam cittesu ditthipasam khipantiti attho. Sasanam pana pase mocesi, ^3- tasma pasandoti na vuccati, ito bahiddhayeva pasanda honti. Samsidantiti ^4- samsidanti lagganti. Idani "kam nu uddissa mandasi"ti panham kathenti atthi sakyakule jatotiadimaha. Tattha sabbabhibhuti sabbani khandhayatanadhatubhavayonigatiadini abhibhavitva thito. Maranamaradayo nudi nihariti maranudo. Sabbatthamaparajitoti sabbesu ragadisu va marayuddhe va ajjito. Sabbattha muttoti sabbesu khandhadisu mutto. Asitoti tanhaditthinissayena anissito. Sabbakammakkhayanti sabbakammakkhayasankhatam arahattam patto. Upadhisankhayeti upadhisankhayasankhate nibbane arammanato vimutto. Atthamam. @Footnote: ¹ cha.Ma. bahi ² i. pasam oddentiti ³ cha.Ma. moceti ⁴ cha.Ma. pasidantiti

The Pali Atthakatha in Roman Character Volume 11 Page 183. http://84000.org/tipitaka/read/attha_page.php?book=11&page=183&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=4762&modeTY=2&pagebreak=1 http://84000.org/tipitaka/atthapali/rm_line.php?B=11&A=4762&modeTY=2&pagebreak=1#p183