บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 192.
Samannagata vipakavaranena samannagata assaddha acchandika duppanna abhabba niyamam okkamitum kusalesu dhammesu sammattam, ime te satta abhabba. Katame te satta bhabba, ye te satta na kammavaranena .pe. Ime te satta bhabba"ti. 1- Tattha sabbepi abhabbapuggale pahaya bhabbapuggaleyeva nanena pariggahetva "ettaka ettha ragacarita ettaka dosamohavitakkasaddhabuddhicarita"ti cha kotthase akasi. Evam katva dhammam desessamiti cintesi. Paccabhasiti pati abhasi. Aparutati vivata. Amatassa dvarati ariyamaggo. So hi amatasankhatassa nibbanassa dvaram, so maya 2- vivaritva thapitoti dasseti. Pamuncantu saddhanti sabbe attano saddham pamuncantu vissajjentu. Pacchimapadadvaye ayamattho:- aham hi attano pagunam sampavattitampi imam panitam uttamam dhammam kayavacakilamathasanni hutva na bhasim. Idani pana sabbo jano saddhabhajanam upanetu, puressami tesam sankappanti. Antaradhayiti sattharam gandhamaladihi pujetva antarahito, sakatthanameva gatoti attho. Gate ca pana tasmim bhagava "kassa nukho aham pathamam dhammam deseyyan"ti alarudakanam kalakatabhavam, pancavaggiyanam ca bahupakarabhavam natva tesam dhammam desetukamo baranasiyam isipatanam gantva dhammacakkam pavattesiti. Pathamam. 2. Garavasuttavannana [173] Dutiye udapaditi ayam vitakko pancame sattahe udapadi. Agaravoti annatarasmim garavarahito, kinci garutthane atthapetvati attho. Appatissoti patissena rahito, 3- kinca jetthakatthane atthapetvati attho. Sadevaketiadisu saddhim devehi sadevake. Devaggahanena cettha marabrahmesu gahitesupi maro nama vasavatti sabbesam upari samvatteti, brahma nama mahanubhavo ekanguliya ekasmim cakkavale 4- alokam pharati. Dvihi dvisu .pe. @Footnote: 1 abhi. vibhanga. 35/826-7/417 nanavibhanga, khu.pati. 31/282-3/131 nanakatha (sya) @2 i. so hi maya 3 cha.Ma., i. patissayarahito 4 cha.Ma., i. cakkavalasahasseThe Pali Atthakatha in Roman Character Volume 11 Page 192. http://84000.org/tipitaka/read/attha_page.php?book=11&page=192&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=4988&modeTY=2&pagebreak=1 http://84000.org/tipitaka/atthapali/rm_line.php?B=11&A=4988&modeTY=2&pagebreak=1#p192
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]