บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 203.
6. *- pamadasuttavannana [177] Chatthe paccekam dvarabahanti ekeko ekekam dvarabaham nissaya dvarapala viya atthamsu. Iddhoti jhanasukhena samiddho. Phitoti abhinnapupphehi supupphito. Anadhivasentoti asahanto. Etadavocati etesam nimmitabrahmanam majjhe nisinno etam "passasi me"tiadivacanam avoca. Tayo supannati gathaya pancasatati satapadam rupavasena va pantivasena va yojetabbam. Rupavasena tava tayo supannati tini supannarupasatani. Caturo ca hamsati cattari hamsarupasatani. Byagghinisa pancasatati byagghasadisa ekacce miga byagghinisa nama, tesam byagghinisarupakanam pancasatani, pantivasena tayo supannati tini supannapantisatani, caturo hamsati cattari hamsapantisatani. Byagghinisa pancasataniti panca byagghinisapantisatani. Jhayinoti jhayissa mayham vimane ayam vibhutiti dasseti. Obhasayanti obhasayamanam. Uttarassam disayanti tam kira kanakamahavimanam 1- tesam mahabrahmanam thitatthanato uttaradisayam hoti, tasma evamaha. Ayam panassa adhippayo:- evarupe kanakavimane vasanto aham kassa annassa upatthanam gamissamiti. Rupe ranam disvati rupamhi jatijarabhangasankhatam dosam disva. Sada pavedhitanti sitadihi ca niccam pavedhitam calitam ghatitam rupam disva. Tasma na rupe ramati sumedhoti yasma rupe ranam passati, sada pavedhitanca rupam passati, tasma sumedho sundarapanno so sattha rupe na ramatiti. Chattham. 7. Kokalikasuttavannana [178] Sattame appameyyam paminantoti appameyyam khinasavapuggalam "ettakam silam, ettako samadhi, ettaka panna"ti evam minanto. Kodha vidva vikappayeti ko idha vidva medhavi vikappeyya, khinasavova khinasavam minanto kappeyyati dipeti. Nivutam tam manneti yo pana puthujjano tam pametum arabhati, tam nivutam avakujjapannam mannemiti. 2- Sattamam. @Footnote: 1 cha.Ma. kanakavimanam 2 cha.Ma., i. mannamiti * cha.Ma. brahmalokasuttaThe Pali Atthakatha in Roman Character Volume 11 Page 203. http://84000.org/tipitaka/read/attha_page.php?book=11&page=203&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=5270&modeTY=2&pagebreak=1 http://84000.org/tipitaka/atthapali/rm_line.php?B=11&A=5270&modeTY=2&pagebreak=1#p203
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]