อรรถกถาเล่มที่ ๑๑ หน้าที่ ๒๒๑.

ปุญฺญเปกฺขสฺส โหตีติ เอวํ ^๑- ตถาคตสฺส สาสนํ นาม ปุญฺญเปกฺขสฺส ปุญฺญตฺถิกสฺส ตุยฺหํ ^๒- อปฺปํปิ พีชํ ^๓- พหุผลทายกํ สุเขตฺเต ^๔- วิย ปฏิยตฺตํ โหตีติ. อฏฺฐมํ. ๙. สุนฺทริกสุตฺตวณฺณนา [๑๙๕] นวเม สุนฺทริกภารทฺวาโชติ สุนฺทริกาย นทิยา ตีเร อคฺคิชุหเนน เอวํ ลทฺธนาโม. สุนฺทริกายาติ เอวํนามิกาย นทิยา. อคฺคึ ชุหตีติ อาหุตึ ปกฺขิปเนน ชาเลติ. อคฺคิหุตฺตํ ปริจรตีติ อคฺยายตนํ สมฺมชฺชนุปเลปนพลิกมฺมาทินา ปยิรุปาสติ. โก นุ โข อิมํ หพฺยเสสํ ภุญฺเชยฺยาติ โส กิร พฺราหฺมโณ อคฺคิมฺหิ หุตาวเสสํ ปายาสํ ทิสฺวา จินฺเตสิ "อคฺคิมฺหิ ตาว ปกฺขิตปายาโส มหาพฺรหฺมุนา ภุตฺโต, อยํ ปน อวเสโส อตฺถิ, ตํ ยทิ พฺรหฺมุโน มุขโต ชาตสฺส พฺราหฺมณสฺส ทเทยฺยํ, เอวํ เม ปิตรา สห ปุตฺโตปิ สนฺตปฺปิโต ภเวยฺย, สุวิโสธิโต จสฺส พฺรหฺมโลกมคฺโค"ติ. ^๕- โส พฺราหฺมณสฺส ทสฺสนตฺถํ อุฏฺฐายาสนา จตุทฺทิสา อนุวิโลเกสิ "โก นุ โข อิมํ หพฺยเสสํ ภุญฺเชยฺยา"ติ. รุกฺขมูเลติ ตสฺมึ วนสณฺเฑ เชฏฺฐกรุกฺขสฺส มูเล. สสีสํ ปารุตํ นิสินฺนนฺติ สห สีเสน ปารุตกายํ นิสินฺนํ. กสฺมา ปน ภควา ตตฺถ นิสีทิ? ภควา กิร ปจฺจูสสมเย โลกํ โอโลเกนฺโต อิมํ พฺราหฺมณํ ทิสฺวา จินฺเตสิ:- อยํ พฺราหฺมโณ เอวรูปํ อคฺคปายาสํ คเหตฺวา "มหาพฺรหฺมานํ โภเชมี"ติ อคฺคิมฺหิ ฌาเปนฺโต อผลํ กโรติ ฯเปฯ จตฺตาโร มคฺเค เจว จตฺตาริ จ ผลานิ เทมีติ. ตสฺมา กาลสฺเสว วุฏฺฐาย สรีรปฏิชคฺคนํ กตฺวา ปตฺตจีวรํ อาทาย คนฺตฺวา วุตฺตนเยเนว ^๖- ตสฺมึ รุกฺขมูเล นิสีทิ. อถ กสฺมา สสีสํ ปารุปติ? ^๗- หิมปาตสฺส จ สีตวาตสฺส จ ปฏิพาหนตฺถํ, ปฏิพโลว เอตํ ตถาคโต อธิวาเสตุํ. สเจ ปน ปารุเปตฺวา ^๘- นิสีเทยฺย, พฺราหฺมโณ ทูรโตว สญฺชานิตฺวา นิวตฺเตยฺย, เอวํ สติ กถา นปฺปวตฺเตยฺย. อิต ภควา "พฺราหฺมเณ อาคเต สีสํ วิวริสฺสามิ, อถ มํ @เชิงอรรถ: ^๑ ฉ.ม. เอตํ ^๒ สี. น ตุยฺหํเยว, ม. ตุยฺหํเยว ^๓ ฉ.ม., อิ. อปฺเปปิ พีเช @^๔ ฉ.ม., อิ. สุเขตฺตํ ^๕ ฉ.ม. พฺรหฺมโลกคามิมคฺโคติ ^๖ ฉ.ม. วุตฺตนเยน @^๗ ฉ.ม. ปารุปีติ ^๘ ฉ.ม. อปารุเปตฺวา

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๒๑. http://84000.org/tipitaka/read/attha_page.php?book=11&page=221&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=5733&modeTY=2&pagebreak=1 http://84000.org/tipitaka/atthapali/th_line.php?B=11&A=5733&modeTY=2&pagebreak=1#p221