Pahanatthaya ca uttarim atirekam visesam bhavento saddhapancamani indriyani
bhaveyyati attho panca sangatitoti ragasango dosasango mohasango manasango
ditthisangoti ime panca sange atikkanto. Oghatinnoti vuccatiti caturoghatinnoti
kathiyati. Imaya ca pana gathaya pancindriyani lokiyalokuttarani kathitaniti.
Katichindasuttavannana nitthita.
--------------------
6. Jagarasuttavannana
[6] Chatthe jagaratanti jagarantanam. Panca jagaratanti vissajjanagathayam
pana saddhadisu pancasu indriyesu jaggantesu 1- panca nivarana sutta nama.
Kasma? yasma tamsamangipuggalo yattha katthaci nisinno va thito va arunam
Utthapentopi pamadataya akusalasamangitaya sutto nama hoti. Evam suttesu
pancasu nivaranesu pancindriyani jagganti nama. 2- Kasma? yasma tamsamangipuggalo
yattha katthaci nipajjitva niddayantopi appamadataya kusalasamangitaya jagaro nama
hoti. Pancahi pana nivaraneheva kilesarajam adiyati ganhati paramasati. Purima
hi kamacchandadayo pacchimanam paccaya hontiti pancahi indriyehi parisujjhatiti
ayamattho veditabbo. Idhapi pancindriyani lokiyalokuttaraneva kathitaniti.
Jagarasuttavannana nitthita.
------------------
7. Appatividitasuttavannana
[7] Sattame dhammati catusaccadhamma. Appatividitati nanena appatividdha.
Paravadesuti dvasatthiditthigatavadesu. Tehi ito paresam titthiyanam
vadatta paravada nama. Niyareti attano dhammatayapi gacchanti, parenapi
niyanti. Tattha sayameva sassatadini ganhanta gacchanti nama, parassa vacanena
tani ganhanta niyanti nama. Kalo tesam pabujjhitunti tesam puggalanam
pabujjhitum ayam kalo. Lokasmimhi buddho uppanno, dhammo desiyati, samgho
@Footnote: 1 cha.Ma., i. jagarantesu 2 Ma. jagaranti nama, cha.Ma., i. jagarani nama
The Pali Atthakatha in Roman Character Volume 11 Page 24.
http://84000.org/tipitaka/read/attha_page.php?book=11&page=24&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=612&modeTY=2&pagebreak=1
http://84000.org/tipitaka/atthapali/rm_line.php?B=11&A=612&modeTY=2&pagebreak=1#p24
