Nisinnassa puttassa annam patubhavati, tam so pavatteti. Ratanamayatta pana
sadisatthena 1- tadeva vattam katva "pitara pavattitan"ti vuttam. Yasma va so
"appossukko tvameva 2- hohi, ahamanusasissami"ti aha, tasma pitara pavattitam
anacakkam anupavatteti nama. Sammadeva anupattesiti samma nayena hetuna
karaneneva anupavattesi. Bhagava hi catusaccadhammam katheti, thero tameva anukatheti,
tasma evamaha. Ubhatobhagavimuttati dvihi bhagehi vimutta, arupavacarasamapattiya
rupakayato vimutta, aggamaggena namakayatoti. Pannavimuttati pannaya vimutta
tevijjadibhavam appatta khinasava.
Visuddhiyati visuddhatthaya. Sannojanabandhanacchidati sannojanasankhate ceva
bandhanasankhate ca kilese chinditva thita. Vijitasangamanti vijitaragadosamohasangamam.
Marabalassa vijitattapi vijitasangamam. Satthavahanti atthangikamaggarathe aropetva
veneyyasattham vaheti samsaram 3- uttaretiti bhagava satthavaho, tam satthavaham.
Palapoti antotuccho dussilo. Adiccabandhunanti adiccabandhum sattharam dasabalam
vandamiti vadati. Sattamam.
8. Parosahassasuttavannana
[216] Atthame parosahassanti atirekasahassam. Akutobhayanti nibbane
kutoci bhayam natthi, nibbanappattassa hi 4- kutoci bhayam natthiti nibbanam akutobhayam
nama. Isinam isisattamoti vipassito patthaya isinam sattamako isi.
Kim nu te vangisati idam bhagava atthuppattivasena aha. Samghamajjhe kira
katha udapadi "vangisatthero vissatthavatto, neva uddese, na paripucchaya, na
yonisomanasikare kammam karoti, gatha bandhanto puna padani 5- karonto
vicarati"ti. Atha bhagava cintesi "ime bhikkhu vangisassa patibhanasampattim na
@Footnote: 1 Ma. sadisattena, i. sadisatthena 2 cha.Ma. appossukko tvam deva
@3 i. vahetiti samsarakantaram, cha.Ma. vaheti samsarakantaram
@4 cha.Ma. nibabanappattassa va, i. nibbanam pattassa va
@5 cha.Ma. cunniyapadani, i. cunanapadani
The Pali Atthakatha in Roman Character Volume 11 Page 264.
http://84000.org/tipitaka/read/attha_page.php?book=11&page=264&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=6835&modeTY=2&pagebreak=1
http://84000.org/tipitaka/atthapali/rm_line.php?B=11&A=6835&modeTY=2&pagebreak=1#p264
