9. Vanasamyutta
1. Vivekasuttavannana
[221] Vanasamyuttassa pathame kosalesu viharatiti satthu santike kammatthanam
gahetva tassa janapadassa sulabhabhikkhataya tattha gantva viharati. Samvejetukamati
vivekam patipajjapetukama. Vivekakamoti tayo viveke patthayanto. Niccharati
bahiddhati bahiresu puthuttarammanesu carati. Jano janasminti tvam jano annasmim
jane chandaragam vinayassu. Pajahasiti pajaha. Bhavasiti bhava. Satam tam sarayamaseti 1-
satimantam panditam tam mayampi sarayama, 2- satam va dhammam mayantam sarayamati attho.
Patalarajoti appatitthatthena patalasankhato kilesarajo. Ma tam kamarajoti ayam
kamaragarajo tam ma avahari, apayameva ma netuti attho. Pamsukunditoti 3-
pamsumakkhito. Vidhunanti vidhunanto. Sitam rajanti sariralaggam rajam. Samvegamapaditi
devatapi nama mam evam saretiti. 4- Vivekamapanno, uttamaviriyam va paggayha
paramavivekam maggameva patipannoti. Pathamam.
2. Upatthanasuttavannana
[222] Dutiye supatiti ayam kira khinasavo, so dure bhikkhacaragamam
gantva agato pannasalaya pattacivaram patisametva avidure jatasaram otaritva
gattani utum gahapetva divatthanam sammajjitva tattha nicamancakam pannapetva
niddam anokkamantova nipanno. Khinasavassapi hi kayadaratho hotiyevati tassa
vinodanattham, tam sandhaya supatiti vuttam. Ajjhabhasiti "ayam bhikkhu satthu santike
kammatthanam gahetva diva supati, divasoppanca nametam vaddhitam ditthadhammika-
samparayikam attham naseti"ti mannamana "codessami nan"ti cintetva abhasi.
Aturassati jaraturo rogaturo kilesaturoti tayo atura, tesu
kilesaturam sandhayevamaha. Sallaviddhassati savisena sattisallena viya
avijjavisatthena 5- tanhasallena hadaye viddhassa. Ruppatoti ghatiyamanassa. 6-
@Footnote: 1 Si. sadayamaseti 2 Si. sadayama 3 cha.Ma. pamsukunthitoti, i. pamsukunthitoti
@4 Si., Ma., i. savetiti 5 Si., i. avijjavisadiddhena, cha.Ma. avijjavisavitthena
@6 cha.Ma., i. ghattiyamanassa
The Pali Atthakatha in Roman Character Volume 11 Page 273.
http://84000.org/tipitaka/read/attha_page.php?book=11&page=273&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=7055&modeTY=2&pagebreak=1
http://84000.org/tipitaka/atthapali/rm_line.php?B=11&A=7055&modeTY=2&pagebreak=1#p273
