อรรถกถาเล่มที่ ๑๑ หน้าที่ ๒๗๕.

นํ คนฺตฺวา ฆาเตตฺวา ยาวทิจฺฉกํ มํสํ ขาทิตฺวา เสสํ กาเชนาทาย คนฺตฺวา ปุตฺตเก โตเสสฺสามี"ติ เอวํ มิคสฺเสว อนุปทํ ธาวติ. เอวํ วิกฺขิตฺตจิตฺตสฺส ตํ ธมฺมํ เทเสนฺตํ เถรํ สนฺธาย วุตฺตํ "โอวทตี"ติ. อชฺฌภาสีติ "อยํ เถโร อทารุํ ตจฺฉนฺโต วิย อเขตฺเต วปฺเปนฺโต วิย อตฺตโนปิ กมฺมํ นาเสติ, เอตสฺสาปิ, โจเทสฺสามิ นนฺ"ติ อภาสิ. อปฺปปญฺญนฺติ นิปฺปญฺญํ. อเจตสนฺติ การณชานนสตฺเถน จิตฺเตน รหิตํ. มนฺโทวาติ อนฺธพาโล วิย. สุณาตีติ ตว ธมฺมกถํ สุณาติ. น วิชานาตีติ อตฺถมสฺส น ชานาติ. อาโลเกตีติ ตว โปถุชฺชนิกอิทฺธิยา ชลนฺตํ องฺคุฏฺฐกํ อาโลเกติ. น ปสฺสตีติ เอตฺถ "เนว เตลํ น วฏฺฏิ น ทีปกปลฺลิกา, เถรสฺส ปน อานุภาเวนายํ ชลตี"ติ อิมํ การณํ น ปสฺสติ. ทส ปชฺโชเตติ ทสสุ องฺคุลีสุ ทส ปทีเป. รูปานีนิ การณรูปานิ. จกฺขูติ ปญฺญาจกฺขุ. สํเวคมาปาทีติ กิมฺเม อิมินาติ วิริยํ ปคฺคยฺห ปรมวิเวกํ อรหตฺตมคฺคํ ปฏิปชฺชิ. ตติยํ. ๔. สมฺพหุลสุตฺตวณฺณนา [๒๒๔] จตุตฺเถ สมฺพหุลาติ พหู สุตฺตนฺติกา อาภิธมฺมิกา วินยธรา จ. วิหรนฺตีติ สตฺถุ สนฺติเก กมฺมฏฺฐานํ คเหตฺวา วิหรนฺติ. ปกฺกมึสูติ เต กิร ตสฺมึ ชนปเท อญฺญตรํ คามํ อุปสงฺกมนฺเต ทิสฺวาว มนุสฺสา ปสนฺนจิตฺตา อาสนสาลาย โกชวตฺถรณาทีนิ ^๑- ปญฺญาเปตฺวา ยาคุขชฺชกํ ^๒- ทตฺวา อุปนิสีทึสุ. มหาเถโร เอกํ ธมฺมกถิกํ "ธมฺมํ กเถหี"ติ อาห. โส จิตฺตธมฺมกถํ กเถสิ. มนุสฺสา ปสีทิตฺวา โภชนเวลาย ปณีตโภชนํ อทํสุ. มหาเถโร มนุญฺญํ ภตฺตานุโมทนํ อกาสิ. มนุสฺสา ภิยฺโยโส มตฺตาย ปสนฺนา "อิเธว ภนฺเต เตมาสํ วสถา"ติ ปฏิญฺญํ กาเรตฺวา คมนาคมนสมฺปนฺเน ฐาเน เสนาสนานิ กาเรตฺวา จตูหิ ปจฺจเยหิ อุปฏฺฐหึสุ. มหาเถโร วสฺสูปนายิกทิวเส ภิกฺขู โอวทิ "อาวุโส ตุเมฺหหิ ครุกสฺส สตฺถุ สนฺติเก กมฺมฏฺฐานํ คหิตํ, พุทฺธปาตุภาโว นาม ทุลฺลโภ มาสสฺส อฏฺฐ ทิวเส ธมฺมสฺสวนํ กตฺวา คณสงฺคณิกํ ปหาย อปฺปมตฺตา วิหรถา"ติ. เต ตโต @เชิงอรรถ: ^๑ อิ. โกชวฏฺฐรณาทีนิ ^๒ ฉ.ม. ยาคุขชฺชกานิ, อิ. ยาคุขชฺชกาทีนิ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๗๕. http://84000.org/tipitaka/read/attha_page.php?book=11&page=275&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=7108&modeTY=2&pagebreak=1 http://84000.org/tipitaka/atthapali/th_line.php?B=11&A=7108&modeTY=2&pagebreak=1#p275