ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๓๐.

                            ๒. ทุติยวคฺค
                      ๑. ปฐมเทวสุตฺตวณฺณนา ๑-
     [๒๕๗] ทุติยวคฺคสฺส ปฐเม วตฺตปทานีติ วตฺตโกฏฺฐาสานิ. สมตฺตานีติ
ปริปุณฺณานิ. สมาทินฺนานีติ คหิตานิ. กุเล เชฏฺฐาปจายีติ กุเล เชฏฺฐกานํ
มหาปิตา มหามาตา จูฬปิตา จูฬมาตา มาตุโล มาตุลานีติอาทีนํ อปจิติการโก.
สณฺหวาโจติ ปิยมุทุมธุรวาโจ. มุตฺตจาโคติ วิสฏฺฐจาโค. ปยตปาณีติ
เทยฺยธมฺมทานตฺถาย สทา โธตหตฺโถ. โวสฺสคฺครโตติ โวสฺสชฺชเน รโต. ยาจโยโคติ
ปเรหิ ยาจิตพฺพารโห, ยาจโยโคติ วา ยาจโยเคเนว ยุตฺโต. ทานสํวิภาครโตติ
ทาเน จ สํวิภาเค จ รโต. ปฐมํ
                      ๒. ทุติยเทวสุตฺตวณฺณนา ๒-
     [๒๕๘] ทุติเย มนุสฺสภูโตติ มคธรฏฺเฐ อจลคามเก มนุสฺสภูโต. อาวสถํ
อทาสีติ จตุมหาปเถ มหาชนสฺส อาวสถํ กาเรตฺวา อทาสิ. สหสฺสมฺปิ อตฺถานนฺติ
สหสฺสมฺปิ การณานํ, ชนสหสฺเสน วา วจนสหสฺเสน วา โอสาริเต "อยํ อิมสฺส
อตฺโถ, อยํ อิมสฺส อตฺโถ"ติ เอกปเท ฐิโตว วินิจฺฉินติ. ทุติยํ.
                      ๓. ตติยเทวสุตฺตวณฺณนา *-
     [๒๕๙] ตติเย อุปสงฺกมีติ "สกฺโก เทวราชาติ กเถนฺติ, อตฺถิ นุ โข
โส สกฺโก, เยน โส ทิฏฺฐปุพฺโพติ อิมมตฺถํ ทสพลํ ปุจฺฉิสฺสามี"ติ อุปสงฺกมิ.
ตญฺจ ปชานามีติ พหุวจเน เอกวจนํ, เต จ ธมฺเม ปชานามีติ อตฺโถ. สกฺโก
กิร อนนฺตเร อตฺตภาเว มคธรฏฺเฐ อจลคาเม มโฆ นาม มาณโว อโหสิ
ปณฺฑิโต พฺยตฺโต. โพธิสตฺตจริยา วิยสฺส จริยา ๓- อโหสิ. โส เตตฺตึส ปุริเส
คเหตฺวา กลฺยาณมกาสิ. เอกทิวสํ อตฺตโนว ปญฺญาย อุปปริกฺขิตฺวา คามมชฺเฌ
มหาชนสฺส สนฺนิปติตฏฺฐาเน กจวรํ อุภโต ๔- อปพฺยูหิตฺวา ตํ ฐานํ รมณียํ
@เชิงอรรถ:  ฉ.ม. วตปทสุตฺตวณฺณนา   ฉ.ม. สกฺกนามสุตฺตวณฺณนา   ฉ.ม. วิย จ ตสฺส จริยา
@ ฉ.ม., อิ อุภโตปสฺเสสุ      * ฉ.ม. มหาลิสุตฺต...



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๓๐. http://84000.org/tipitaka/read/attha_page.php?book=11&page=330&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8516&modeTY=2&pagebreak=1 http://84000.org/tipitaka/atthapali/th_line.php?B=11&A=8516&modeTY=2&pagebreak=1#p330


จบการแสดงผล หน้าที่ ๓๓๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]