อรรถกถาเล่มที่ ๑๑ หน้าที่ ๓๔.

วาปิ ^๑- คหิตา โหตุ ปจฺฉา วา, สุรูปา วา วิรูปา วา, ยา สามิกํ สุสฺสูสติ ปริจรติ โตเสติ, สา ภริยานํ เสฏฺฐา. อสฺสโวติ อสุณมาโน. ^๒- เชฏฺโฐ วา หิ โหตุ กนิฏฺโฐ วา, โย มาตาปิตูนํ วจนํ สุณาติ, สมฺปฏิจฺฉติ, โอวาทปฏิกาโร ^๓- โหติ, อยํ ปุตฺตานํ เสฏฺโฐ, อญฺเญหิ สนฺธิจฺเฉทกาทิโจเรหิ ปุตฺเตหิ โก อตฺโถ เทวเตติ. ขตฺติยสุตฺตวณฺณนา นิฏฺฐิตา. ------------------- ๕. สณมานสุตฺตวณฺณนา [๑๕] ปญฺจเม ฐิเต มชฺฌนฺติเกติ ^๔- ฐิตมชฺฌนฺติเก. สนฺนิสินฺเนสูติ ^๕- ยถาผาสุกฏฺฐานํ อุปคนฺตฺวา สนฺนิสินฺเนสุ วิสมมาเนสุ. ฐิตมชฺฌนฺติกาโล นาเมส สพฺพสตฺตานํ อิริยาปถทุพฺพลฺยกาโล. อิธ ปน ปกฺขีนํเยว วเสน ทสฺสิโต. สณเตวาติ สณติ วิย มหาวิรวํ วิย มุญฺจติ. ^๖- สณมานเมว เจตฺถ "สณเตวา"ติ วุตฺตํ. ตปฺปฏิภาคํ นาเมตํ. นิทาฆสมยสฺมิญฺหิ ฐิตมชฺฌนฺติกกาเล จตุปฺปทคเณสุ เจว ปกฺขีคเณสุ จ สนฺนิสินฺเนสุ วาตปูริตานํ สุสิรรุกฺขานญฺเจว ฉิทฺทเวฬุปพฺพานญฺจ ^๗- ขนฺเธน ธนฺธํ สาขาย สาขํ ฆํสนฺตานํ ^๘- ปาทปานญฺจ อรญฺญมชฺเฌ มหาสทฺโท อุปฺปชฺชติ. ตํ สนฺธาเยตํ วุตฺตํ. ตํ ภยํ ปฏิภาติ มนฺติ ตํ เอวรูเป กาเล มหาอรญฺญสฺส สณมานํ มยฺหํ ภยํ หุตฺวา อุปฏฺฐาติ. ทนฺธปญฺญา กิเรสา เทวตา ตสฺมึ ขเณ อตฺตโน นิสชฺชผาสุกํ กถาผาสุกํ ทุติยกํ อลภนฺตี เอวมาห. ยสฺมา ปน ตาทิเส กาเล ปิณฺฑปาตปฏิกฺกนฺตสฺส วิวิตฺเต อรญฺญายตเน กมฺมฏฺฐานํ คเหตฺวา นิสินฺนสฺส ภิกฺขุโน อนปฺปกํ สุขํ อุปฺปชฺชติ, ยํ สนฺธาย วุตฺตํ:- "สุญฺญาคารํ ปวิฏฺฐสฺส สนฺตจิตฺตสฺส ภิกฺขุโน อมานุสี รตี โหติ สมฺมา ธมฺมํ วิปสฺสโต"ติ ^๙- จ, @เชิงอรรถ: ^๑ ฉ.ม., อิ. ปิสทฺโท น ทิสฺสติ ^๒ ฉ.ม. อาสุณมาโน ^๓ ฉ.ม. โอวาทปฏิกโร @^๔ ฉ.ม. มชฺฌนฺหิเก เอวมุปริปิ ^๕ ฉ.ม. สนฺนิสีเวสูติ @^๖ ฉ.ม. มุจฺจติ, อิ. วุจฺจติ. ^๗ ฉ.ม., อิ. ฉิทฺทเวณุปพฺพานญฺจ @^๘ ฉ.ม. สงฺฆฏฺฏยนฺตานํ, อิ. ฆฏฺฏนฺตานํ @^๙ ขุ. ธมฺม. ๒๕/๓๗๓/๘๒ สมฺพหุลภิกฺขุวตฺถุ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๔. http://84000.org/tipitaka/read/attha_page.php?book=11&page=34&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=880&modeTY=2&pagebreak=1 http://84000.org/tipitaka/atthapali/th_line.php?B=11&A=880&modeTY=2&pagebreak=1#p34