ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๗.

กายจิ มงฺกุกตฺตุกาโม ๑- หุตฺวา น วเทยย, "กาเลน วกฺขามิ โน อกาเลนา"ติอาทโย
ปน ปญฺจ ธมฺเม อชฺฌตฺตํ อุปฏฺฐเปตฺวา อุลฺลุมฺปนสภาวสณฺฐิเตน จิตฺเตน
การุญฺญตํ ปฏิจฺจ วเทยฺยาติ.
                      ทุกฺกรสุตฺตวณฺณนา นิฏฺฐิตา.
                        -----------------
                          ๘. หิรีสุตฺตวณฺณนา
     [๑๘] อฏฺฐเม หิรีนิเสโธติ หิริยา อกุสลธมฺเม นิเสเธตีติ หิรินิเสโธ.
โกจิ โลกสฺมึ วิชฺชตีติ โกจิ เอวรูโป วิชฺชตีติ ปุจฺฉติ. โย นินฺทํ อปโพเธตีติ ๒-
โย ครหํ อปหรนฺโต พุชฺฌติ. อสฺโส ภโทฺรกสามิวาติ ยถา ภโทฺร อสฺสาชานีโย
กสํ อปหรนฺโต พุชฺฌติ, ปโฏทจฺฉายํ ทิสฺวา สํวิชฺฌนฺโต วิย กสาย อตฺตนิ
ปาตํ ๓- น เทติ, เอวเมว โย ภิกฺขุ ภูตสฺส อกฺโกสวตฺถุโน ๔- อตฺตนิ นิปาตํ
อททนฺโต นินฺทํ อปโพเธติ อปหรนฺโต พุชฺฌติ, เอวรูโป โกจิ ขีณาสโว
วิชฺชตีติ ปุจฺฉติ. อภูตกฺโกเสน ปน ปริมุตฺโต นาม นตฺถิ. ตนุยาติ ตนุกา,
หิริยา อกุสเล ธมฺเม นิเสเธตฺวา จรนฺตา ขีณาสวา นาม อปฺปกาติ อตฺโถ.
สทา สตาติ นิจฺจกาลํ สติเวปุลฺเลน สมนฺนาคตา. อนฺตํ ทุกฺขสฺส ปปฺปุยฺยาติ
วฏฺฏทุกฺขสฺส โกฏิอนฺตภูตํ นิพฺพานํ ปาปุณิตฺวา. เสสํ วุตฺตนยเมวาติ.
                        หิรีสุตฺตวณฺณนา นิฏฺฐิตา.
                        -----------------
                         ๙. กุฏิกาสุตฺตวณฺณนา
       [๑๙] นวเม กจฺจิ เต กุฏิกาติ อยํ เทวตา ทส มาเส
อนฺโตวสนฏฺเฐน ๕- มาตรํ กุฏิกํ กตฺวา, ยถา สกุณา ทิวสํ โคจรปสุตา รตฺตึ
กุลาวเก อลฺลียนฺติ, เอวเมว ๖- สตฺตา ตตฺถ ตตฺถ คนฺตฺวาปิ มาตุคามสฺส
สนฺติกํ อาคจฺฉนฺติ, อาลยวเสน ภริยํ กุลาวกํ กตฺวา. กุลปเวณิสนฺตานกฏฺเฐน
ปุตฺเต สนฺตานเก กตฺวา, ตณฺหํ พนฺธนํ กตฺวา, คาถาพนฺธเนน อิเม ปเญฺห
สโมธาเนตฺวา ภควนฺตํ ปุจฺฉิ, ภควาปิสฺสา วิสชฺเชนฺโต ตคฺฆาติอาทิมาห. ตตฺถ
@เชิงอรรถ:  ฉ.ม. มงฺกุํ กาตุกาโม   ฉ.ม., อิ. อปโพธตีติ เอวมุปริปิ   ฉ.ม., อิ. นิปาตํ
@ ฉ.ม., อิ. ทสสกฺโกสนวตฺถุโน    ฉ.ม., อิ. อนฺโตวสนฏฺฐานฏฺเฐน
@ ฉ.ม., อิ. เอวเมวํ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๗. http://84000.org/tipitaka/read/attha_page.php?book=11&page=37&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=962&modeTY=2&pagebreak=1 http://84000.org/tipitaka/atthapali/th_line.php?B=11&A=962&modeTY=2&pagebreak=1#p37


จบการแสดงผล หน้าที่ ๓๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]