ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๘.

ตคฺฆาติ เอกํสวจเน นิปาโต. นตฺถีติ ปหาย ปพฺพชิตตฺตา วฏฺฏสฺมึ วา ปน
มาตุกุจฺฉิวาสสฺส ทาราภรณสฺส ๑- ปุตฺตนิพฺพตฺติยา ๒- วา อภาวโต นตฺถิ.
       เทวตา "มยา สนฺนาหํ พนฺธิตฺวา คุฬฺหปญฺหา ปุจฺฉิตา, อยญฺจ สมโณ
ปุจฺฉิตมตฺเตเยว วิสชฺเชสิ, ชานํ นุ โข เม อชฺฌาสยํ ๓- กเถสิ, อุทาหุ อชานํ
ยํ วา ตํ วา มุขารุฬฺหํ กเถสี"ติ จินฺเตตฺวา ปุน กินฺตาหนฺติอาทิมาห. ตตฺถ
กินฺตาหนฺติ กินฺเต อหํ. อถสฺส ๔- ภควา อาจิกฺขนฺโต มาตรนฺติอาทิมาห. สาหุ
เตติ คาถาย อนุโมทิตฺวา ๕- สมฺปหํสิตฺวา ภควนฺตํ คนฺธมาเลหิ ๖- ปูเชตฺวา
อตฺตโน เทวฏฺฐานเมว ๗- คตาติ.
                        กุฏิกาสุตฺตวณฺณา นิฏฺฐิตา
                          ------------
                        ๑๐. สมิทฺธิสุตฺตวณฺณนา
       [๒๐] ทสเม ตโปทาราเมติ ตโปทสฺส ตตฺโตทกสฺส รหทสฺส วเสน
เอวํ ลทฺธนาเม อาราเม. เวภารปพฺพตสฺส กิร เหฏฺฐา ภุมฺมฏฺฐกนาคานํ
ปญฺจโยชนสติกํ นาคภวนํ  เทวโลกสทิสํ มณิมเยน ๘- ตเลน อารามุยฺยาเนหิ จ
สมนฺนาคตํ. ตตฺถ นาคานํ กีฬนฏฺฐาเน มหาอุทกรหโท, ตโต ตโปทา นาม
นที สนฺทติ กุถิตา อุณฺโหทกา. กสฺมา ปเนสา เอทิสา? ราชคหํ กิร
ปริวาเรตฺวา มหาเปตโลโก ติฏฺฐติ. ตตฺถ ทฺวินฺนํ มหาโลหกุมฺภีนิรยานํ อนฺตเรน
อยํ ตโปทา อาคจฺฉติ. ตสฺมา กุถิตา สนฺทติ. วุตฺตมฺปิ เจตํ:-
           "ยตายํ ๙- ภิกฺขเว ตโปทา สนฺทติ, โส ทโห ๑๐-
            อจฺโฉทโก สาโตทโก สีโตทโก เสโตทโก
            สุปติตฺโถ ๑๑- รมณีโย ปหูตมจฺฉกจฺฉโป, จกฺกมตฺตานิ จ
            ปทุมานิ ปุปฺผนฺติ. อปิจายํ ภิกฺขเว ตโปทา ทฺวินฺนํ มหานิรยานํ
            อนนฺตริกาย อาคจฺฉติ, เตนายํ ตโปทา กุถิตา สนฺทตี"ติ ๑๒-
@เชิงอรรถ:  ฉ.ม. ทารภรณสฺส    สี. ปุตฺตนิปฺผตฺติยา    ม. อาสยํ    ฉ.ม., อิ. อถสฺสา
@ ม. อนุโมเทตฺวา        ฉ.ม., อิ. วนฺทิตฺวา คนฺธมาลาทีหิ      ม. เทวภวนเมว
@ ม. นิมฺมเลน           ก. ยตฺถายํ, สี. ยโตยํ, ม. ยทายํ   ๑๐ อิ. รหโท
@๑๑ ก. สุปติฏฺโฐ        ๑๒ วินย. มหาวิ. ๑/๒๓๑/๑๖๔ จตุตฺถปาราชิก วินีตวตฺถุ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๘. http://84000.org/tipitaka/read/attha_page.php?book=11&page=38&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=990&modeTY=2&pagebreak=1 http://84000.org/tipitaka/atthapali/th_line.php?B=11&A=990&modeTY=2&pagebreak=1#p38


จบการแสดงผล หน้าที่ ๓๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]