Bhavetabbampi atthi, vibhajitva desanamassa 1- dassessami"ti cintetva dutiyam
gathamaha. Tattha na mano samyattamagatanti yam vuttam "na sabbato mano
nivaraye"ti, kataram tam mano, yam tam sabbato na nivaretabbanti ce. Mano
samyattamagatam, yam mano yattha samyatabhavam agatam, "danam dassami, silam
rakkhissami"tiadina nayena uppannam, etam mano na nivaretabbam, annadatthum
bruhetabbam vaddhetabbam. Yato yato ca papakanti yato yato akusalam uppajjati, tato
tato ca tam nivaretabbanti. Catuttham.
5. Arahantasuttavannana
[25] Pancame kataviti catuhi maggehi katakicco. Aham vadamiti ayam
devata vanasandavasini, sa arannikanam bhikkhunam "aham bhunjami, aham nisidami,
mama patto, mama civaran"tiadikathavoharam sutva cintesi "aham ime bhikkhu
`khinasava'ti mannami, khinasavananca nama evarupa attupaladdhinissitakatha hoti,
na hoti nukho"ti jananattham evam pucchati.
Samannanti 2- lokaniruttim lokavoharam. Kusaloti khandhadikusalo.
Voharamattenati upaladdhinissitakatham hitva voharabhedam akaronto "aham mama"ti
vadeyya. "khandha bhunjanti, khandha nisidanti, khandhanam patto, khandhanam
civaran"ti hi vutte voharabhedo hoti, na koci janati. Tasma evam avatva
lokavoharena voharatiti.
Atha devata "yadi ditthiya vasena na vadati, manavasena nukho vadati"ti
cintetva puna yo hotiti pucchi. Tattha manam nukhoti so bhikkhu manam
upagantava manavasena vadeyya nukhoti. Atha bhagava "ayam devata khinasavam samanam
viya karoti"ti cintetva "khinasavassa navavidhopi mano pahino"ti dassento
patigatham aha. Tattha vidhupitati vidhamsita. 3- Managanthassati mana ca gantha
ca assa. Mannatanti 4- mannanam. Tividhampi tanhaditthimanamannanam so vitivatto,
atikkantoti attho. Sesam uttanamevati. Pancamam.
@Footnote: 1 cha.Ma. namassa 2 cha.Ma. samannanti 3 cha.Ma. vidhamita Ma. viddhamsita 4 Si. mananti
The Pali Atthakatha in Roman Character Volume 11 Page 51.
http://84000.org/tipitaka/read/attha_page.php?book=11&page=51&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=1337&modeTY=2&pagebreak=1
http://84000.org/tipitaka/atthapali/rm_line.php?B=11&A=1337&modeTY=2&pagebreak=1#p51
