บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑) หน้าที่ ๕๒.
๖. ปชฺโชตสุตฺตวณฺณนา [๒๖] ฉฏฺเฐ ปุฏฺฐุนฺติ ปุจฺฉิตุํ. กถํ ชาเนมูติ กถํ ชาเนยฺยาม. ทิวารตฺตินฺติ ทิวา จ รตฺตึ จ. ตตฺถ ตตฺถาติ ยตฺถ ยตฺเถว ๑- ปชฺชลิโต โหติ, ตตฺถ ตตฺถ. เอสา อาภาติ เอสา พุทฺธาภา. กตมา ปน สาติ? ญาณาโลโก วา โหตุ ปีติอาโลโก วา ปสาทาโลโก วา ธมฺมกถาอาโลโก วา, สพฺโพปิ พุทฺธานํ ปาตุภาวา อุปฺปนฺโน อาโลโก พุทฺธาภา นาม. อยํ อนุตฺตรา สพฺพเสฏฺฐา อสทิสาติ. ฉฏฺฐํ. ๗. สรสุตฺตวณฺณนา [๒๗] สตฺตเม กุโต สรา นิวตฺตนฺตีติ อิเม สํสารสรา กุโต นิวตฺตนฺติ, กึ อาคมฺม นปฺปวตฺตนฺตีติ อตฺโถ. น คาธตีติ น ปติฏฺฐาติ. อโตติ อโต นิพฺพานโต. เสสํ อุตฺตานเมวาติ ๒- . สตฺตมํ. ๘. มหทฺธนสุตฺตวณฺณนา [๒๘] อฏฺฐเม นิธานคตํ มุตฺตสาธาทิ มหนฺตํ ธนเมเตสนฺติ มหทฺธนา. สุวณฺณรชตภาชนาทิ มหาโภโค เอเตสนฺติ มหาโภคา. อญฺญมญฺญาภิคิชฺฌนฺตีติ อญฺญมญฺญํ อภิคิชฺฌนฺติ ปตฺเถนฺติ ปิเหนฺติ. อนลงฺกตาติ อติตฺตา อปริยนฺตชาตา. ๓- อุสฺสุกฺกชาเตสูติ นานากิจฺจชาเตสุ อนุปฺปนฺนานํ รูปาทีนํ อุปฺปาทนตฺถาย อุปฺปนฺนานํ อนุภวนตฺถาย ปสุเตสุ. ๔- ภวโสตานุสารีสูติ วฏฺฏโสตํ อนุสฺสรนฺเตสุ. อนุสฺสุกาติ อพาธตา. ๕- อคารนฺติ มาตุคาเมน สทฺธึ เคหํ. วิราชิยาติ วิราชิตฺวา. เสสํ อุตฺตานเมวาติ. อฏฺฐมํ. ๙. จตุจกฺกสุตฺตวณฺณนา [๒๙] นวเม จตุจกฺกนฺติ จตุอิริยาปถํ. อิริยาปโถ หิ อิธ จกฺกนฺติ อธิปฺเปโต. นวทฺวารนฺติ นวหิ วณมุเขหิ นวทฺวารํ. ปุณฺณนฺติ อสุจิปูรํ. โลเภน @เชิงอรรถ: ๑ ม. ยตฺถ ยตฺถ ๒ ฉ.ม., อิ. อุตฺตานตฺถเมวาติ ๓ ฉ.ม. อปริยตฺตชาตา @๔ ฉ.ม., อิ. อุสฺสุกฺเกสุ ๕ ฉ.ม. อวาวฏาเนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๕๒. http://84000.org/tipitaka/read/attha_page.php?book=11&page=52&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=1363&modeTY=2&pagebreak=1 http://84000.org/tipitaka/atthapali/th_line.php?B=11&A=1363&modeTY=2&pagebreak=1#p52
จบการแสดงผล หน้าที่ ๕๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]