อรรถกถาเล่มที่ ๑๑ หน้าที่ ๕๓.

สํยุตฺตนฺติ ตณฺหาย สํยุตฺตํ. กถํ ยาตฺรา ภวิสฺสตีติ เอตสฺส เอวรูปสฺส สรีรสฺส กถํ นิคฺคมนํ ^๑- ภวิสฺสติ, กถํ มุตฺติ ปริมุตฺติ สมติกฺกโม ภวิสฺสตีติ ปุจฺฉติ. นทฺธินฺติ อุปนาหํ, ปุพฺพกาเล โกโธ, อปรกาเล อุปนาโหติ เอวํ ปวตฺตํ พลวโกธนฺติ อตฺโถ. วรตฺตนฺติ "เฉตฺวา นทฺธึ วรตฺตญฺจ, สนฺทานํ สหนุกฺกมนฺ"ติ คาถาย ^๒- ตณฺหา วรตฺตา, ทิฏฺฐิ สนฺทานํ นาม ชาตํ, อิธ ปน ปาลินิทฺทิฏฺเฐ กิเลเส ฐเปตฺวา อวเสสา "วรตฺตา"ติ เวทิตพฺพา, อิติ กิเลสวรตฺตญฺจ เฉตฺวาติ อตฺโถ. อิจฺฉาโลภนฺติ เอโกเยว ธมฺโม อิจฺฉนตฺเถน อิจฺฉา, ลุพฺภนตฺเถน โลโภติ วุตฺโต. ปฐมุปฺปตฺติกา วา ทุพฺพลา อิจฺฉา, อปราปรุปฺปตฺติโก พลวา โลโภ. อลทฺธปตฺถนา วา อิจฺฉา, ปฏิลทฺธวตฺถุมฺหิ โลโภ. สมูลํ ตณฺหนฺติ อวิชฺชามูเลน สมูลกญฺจ ตณฺหํ. อพฺพุยหาติ อคฺคมคฺเคน อุปฺปาเฏตฺวา. เสสํ อุตฺตานเมวาติ. นวมํ. ๑๐. เอณิชงฺฆสุตฺตวณฺณนา [๓๐] ทสเม เอณิชงฺฆนฺติ เอณิมิคสฺส วิย สุวฏฺฏิตชงฺฆํ. กิสนฺติ อถูลํ สมสรีรํ. อถวา ตโจมิลาตํ ^๓- มาลาคนฺธวิเลปเนหิ อนูปพฺรูหิตสรีรนฺติปิ ^๔- อตฺโถ. วีรนฺติ วิริยวนฺตํ. อปฺปาหารนฺติ โภชเน มตฺตญฺญุตาย มิตาหารํ, ^๕- วิกาลโภชนํ ปฏิกฺเขปวเสน วา ปริตฺตาหารํ. อโลลุปฺปนฺติ จตูสุ ปจฺจเยสุ โลลุปฺปวิรหิตํ. รสตณฺหาปฏิกฺเขโป วา เอส. สีหํเวกจรํ นาคนฺติ เอกจรํ สีหํ วิย, เอกจรํ นาคํ วิย. คณวาสิโน หิ ปมตฺตา โหนฺติ, เอกจรา อปฺปมตฺตา, ตสฺมา เอกจราว คหิตา. ปเวทิตาติ ปกาสิตา กถิตา. เอตฺถาติ เอตสฺมึ นามรูเป. ปญฺจกามคุณวเสน หิ รูปํ คหิตํ, มเนน นามํ, อุภเยหิ ปน อวินิภุตฺตธมฺเม ^๖- คเหตฺวา ปญฺจกฺขนฺธาทิวเสน เปตฺถ ภุมฺมํ โยเชตพฺพนฺติ. ทสมํ. สตฺติวคฺโค ตติโย. ----------- @เชิงอรรถ: ^๑ ม. นิกฺขมนํ. ^๒ ขุ. ธมฺม. ๒๕/๓๙๘/๘๖ เทฺวพฺราหฺมวตฺถุ, ขุ. สุตฺต. ๒๕/๖๒๘/๔๕๗ @วาเสฏฺฐสุตฺต ^๓ ฉ.ม., อิ. อาตเปน มิลาตํ ^๔ สี. สุปพฺรูหิตสรีรนฺติปิ @^๕ สี. มตฺตาหารํ @^๖ สี. อวินิมฺมุตฺตธมฺเม. อวินิภุตฺตธมฺเมติ อวินาสภาวธมฺเม สงฺคหิตฺวาติ ฏีกา

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๕๓. http://84000.org/tipitaka/read/attha_page.php?book=11&page=53&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=1387&modeTY=2&pagebreak=1 http://84000.org/tipitaka/atthapali/th_line.php?B=11&A=1387&modeTY=2&pagebreak=1#p53