Samyuttanti tanhaya samyuttam. Katham yatra bhavissatiti etassa evarupassa sarirassa
katham niggamanam 1- bhavissati, katham mutti parimutti samatikkamo bhavissatiti pucchati.
Naddhinti upanaham, pubbakale kodho, aparakale upanahoti evam pavattam
balavakodhanti attho. Varattanti "../../bdpicture/chetva naddhim varattanca, sandanam sahanukkaman"ti
gathaya 2- tanha varatta, ditthi sandanam nama jatam, idha pana palinidditthe
kilese thapetva avasesa "varatta"ti veditabba, iti kilesavarattanca chetvati
attho. Icchalobhanti ekoyeva dhammo icchanatthena iccha, lubbhanatthena lobhoti
vutto. Pathamuppattika va dubbala iccha, aparaparuppattiko balava lobho.
Aladdhapatthana va iccha, patiladdhavatthumhi lobho. Samulam tanhanti avijjamulena
samulakanca tanham. Abbuyahati aggamaggena uppatetva. Sesam uttanamevati. Navamam.
10. Enijanghasuttavannana
[30] Dasame enijanghanti enimigassa viya suvattitajangham. Kisanti athulam
samasariram. Athava tacomilatam 3- malagandhavilepanehi anupabruhitasarirantipi 4- attho.
Viranti viriyavantam. Appaharanti bhojane mattannutaya mitaharam, 5- vikalabhojanam
patikkhepavasena va parittaharam. Aloluppanti catusu paccayesu loluppavirahitam.
Rasatanhapatikkhepo va esa. Sihamvekacaram naganti ekacaram siham viya, ekacaram
nagam viya. Ganavasino hi pamatta honti, ekacara appamatta, tasma
ekacarava gahita. Paveditati pakasita kathita. Etthati etasmim namarupe.
Pancakamagunavasena hi rupam gahitam, manena namam, ubhayehi pana avinibhuttadhamme 6-
gahetva pancakkhandhadivasena pettha bhummam yojetabbanti. Dasamam.
Sattivaggo tatiyo.
-----------
@Footnote: 1 Ma. nikkhamanam. 2 khu. dhamMa. 25/398/86 dvebrahmavatthu, khu. sutta. 25/628/457
@vasetthasutta 3 cha.Ma., i. atapena milatam 4 Si. supabruhitasarirantipi
@5 Si. mattaharam
@6 Si. avinimmuttadhamme. avinibhuttadhammeti avinasabhavadhamme sangahitvati tika
The Pali Atthakatha in Roman Character Volume 11 Page 53.
http://84000.org/tipitaka/read/attha_page.php?book=11&page=53&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=1387&modeTY=2&pagebreak=1
http://84000.org/tipitaka/atthapali/rm_line.php?B=11&A=1387&modeTY=2&pagebreak=1#p53
