บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Saṃ.A. (sārattha.1) Page 96.
Padena tīṇi kāyasucaritāni. Iti ime dasa kusalakammapathā pubbasuddhiaṅgā 1- nāma. Bahunnapānaṃ 2- gharamāvasantoti iminā yaññaupakkharo gahito. Saddhoti ekaṃ aṅgaṃ, mudūti ekaṃ, saṃvibhāgīti ekaṃ, vadaññūti ekaṃ. Iti imāni cattāri aṅgāna sandhāya "etesu dhammesu ṭhito catūsū"ti āha. Aparopi pariyāyo:- vācantiādīni tīṇi aṅgāni, bahunnapānanti 2- iminā yaññaupakkharo va gahito, saddho mudū saṃvibhāgī vadaññūti ekaṃ aṅgaṃ. Aparo dukanayo nāma hoti. "vācaṃ manaṃ 3- vā"ti idamekaṃ aṅgaṃ, "kāyena pāpāni akubbamāno bahunnapānaṃ gharamāvasanto"ti ekaṃ, "saddho mudū"ti ekaṃ, "saṃvibhāgī vadaññū"ti ekaṃ. Etesu catūsu dhammesu ṭhito dhamme ṭhito nāma hoti. So ito paralokaṃ gacchanto na bhāyati. Pañcamaṃ. 6. Najīratisuttavaṇṇanā [76] Chaṭṭhe nāmagottaṃ na jīratīti atītabuddhānaṃ yāvajjadivasā nāmagottaṃ kathiyati, tasmā na jīratīti vuccati. Porāṇā 4- pana "addhāne gacchante na paññāyissati, jīraṇasabhāvaṃ 5- pana na hotiyevā"ti vadanti. Ālasyanti ālasiyaṃ, yena ṭhitaṭṭhāne ṭhitova, nisinnaṭṭhāne nisinnova hoti, kesepi uttarante tinte 6- na karoti. Pamādoti niddāya vā kilesavasena vā pamādo. Anuṭṭhānanti kammasamaye kammakaraṇaviriyābhāvo. Asaññamoti sīlasaññamābhāvo visaṭṭhācāratā. Niddāti soppabahulatāya 7- gacchantopi ṭhitopi nisinnopi niddāyati, pageva nipanno. Tandīti aticchātādivasena āgantukālasiyaṃ. Te chiddeti tāni cha chiddāni cha vivārāni. Sabbasoti sabbākārena. Tanti nipātamattaṃ. Vivajjayeti vivajjeyya 8- jaheyya. Chaṭṭhaṃ. @Footnote: 1 cha.Ma., i.....aṅgaṃ 2 cha.Ma., i. bahvannapānaṃ 3 cha.Ma., i. manañcā"ti @4 Ma. porāṇanāmassa 5 cha.Ma., i. jīraṇasabhāvo @6 cha.Ma., i. telepi uttarante ṭhitiṃ na karoti 7 cha.Ma. soppabahulatā. tāYu... @8 cha.Ma., i. vajjeyyaThe Pali Atthakatha in Roman Character Volume 11 Page 96. http://84000.org/tipitaka/read/attha_page.php?book=11&page=96&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=2521&pagebreak=1 http://84000.org/tipitaka/atthapali/rm_line.php?B=11&A=2521&pagebreak=1#p96
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]