บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑) หน้าที่ ๙๘.
นิปฺผชฺชนฺติ. สีตสฺส อิริยาปโถติ สีตํ อสฺส สตฺตกายสฺส อิริยาปโถ ชีวิตวุตฺติ. สีตนฺติ นงฺคลํ. ยสฺส หิ นงฺคเลน ๑- เขตฺตํ อปฺปมตฺตกํปิ กฏฺฐํ น โหติ, โส กถํ ชีวิสฺสามีติ ๒- วทติ. ทสมํ. ๑๑. อรณสุตฺตวณฺณนา [๘๑] เอกาทสเม อรณาติ นิกฺกิเลสา. วุสิตนฺติ วุสิตวาโส. โภชิสฺสิยนฺติ อทาสภาโว. สมณาติ ขีณาสวสมณา. เต หิ เอกนฺเตน อรณา นาม. วุสิตํ น นสฺสตีติ เตสํ อริยมคฺควาโส น นสฺสติ. ปริชานนฺตีติ ปุถุชฺชนกลฺยาณกโต ปฏฺฐาย เสกฺขา ๓- โลกิยโลกุตฺตราย ปริญฺญาย ปริชานนฺติ. โภชิสฺสิยนฺติ ขีณาสวสมณานํเยว นิจฺจภุชิสฺสสภาโว ๔- นาม. วนฺทนฺตีติ ปพฺพชิตทิวสโต ปฏฺฐาย วนฺทนฺติ. ปติฏฺฐิตนฺติ สีเล ปติฏฺฐิตํ. สมณีธาติ สมณํ อิธ. ชาติหีนนฺติ อปิ จณฺฑาลกุลา ปพฺพชิตํ. ขตฺติยาติ น เกวลํ ขตฺติยาว, เทวาปิ สีลสมฺปนฺนํ สมณํ วนฺทนฺติเยวาติ. เอกาทสมํ. ฆตฺวาวคฺโค ๕- อฏฺฐโม. อิติ สารตฺถปฺปกาสินิยา สํยุตฺตนิกายฏฺฐกถาย เทวตาสํยุตฺตวณฺณนา นิฏฺฐิตา. ------------ @เชิงอรรถ: ๑ ฉ.ม. นงฺคเลหิ ๒ ฉ.ม., อิ. ชีวิสฺสติ ๓ ฉ.ม., อิ.เสขา เอวมุปริปิ, สี.เสขาย @๔ ฉ.ม. นิจฺจํ ภุชิสฺสสภาโว ๕ ฉ.ม. เฉตฺวาวคฺโคเนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๙๘. http://84000.org/tipitaka/read/attha_page.php?book=11&page=98&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2572&modeTY=2&pagebreak=1 http://84000.org/tipitaka/atthapali/th_line.php?B=11&A=2572&modeTY=2&pagebreak=1#p98
จบการแสดงผล หน้าที่ ๙๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]