3. Assasuttavannana
[126] Tatiye kandantananti satatam 1- rudamananam. Pasandanti 2- sanditam
pavattam. Catusu mahasamuddesuti sinerurasmihi paricchinnesu catusu mahasamuddesu.
Sinerussa hi pacinapassam rajatamayam, dakkhinapassam manimayam, pacchimapassam phalikamayam,
uttarapassam suvannamayam. Pubbadakkhinapassehi nikkhanta rajatamanirasmiyo ekato
hutva mahasamuddapitthena gantva cakkavalapabbatam ahacca titthanti,
dakkhinapacchimapassehi nikkhanta maniphalikarasmiyo, pacchimuttarapassehi nikkhanta
phalikasuvannarasmiyo, uttarapacinapassehi nikkhanta suvannarajatarasmiyo ekato hutva
mahasamuddapitthena gantva cakkavalapabbatam ahacca titthanti. Tasam rasminam
antaresu cattaro mahasamudda honti. Te sandhaya vuttam "catusu mahasamuddesu"ti.
Natibyasanantiadisu byasananti viasanam, 3- vinasoti attho. Natinam byasanam
natibyasanam, bhoganam byasanam bhogabyasanam. Rogo pana sayameva arogyam
vinassati 4- vinasetiti byasanam, rogova byasanam rogabyasanam. Tatiyam.
4. Khirasuttavannana
[127] Catutthe matuthannanti ekanamikaya manussamatu khiram. Imesam hi
sattanam ganduppadakipillikadisu va macchakacchapadisu va pakkhijatesu va
nibbattakale matukhirameva natthi, ajapasumahimsadisu nibbattakale khiram atthi,
tatha manussesu. Tattha ajadikale ca manussesu capi "devi sumana tissa"ti
evam nananamikanam kucchiyam nibbattakale aggahetva tissati ekanamikaya eva
@Footnote: 1 cha.Ma. sasaddam 2 Si. passandanti
@3 Ma. viyasanam 4 Si.,i. viyassati, cha.Ma. viyasati
The Pali Atthakatha in Roman Character Volume 12 Page 177.
http://84000.org/tipitaka/read/attha_page.php?book=12&page=177&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=3945&modeTY=2&pagebreak=1
http://84000.org/tipitaka/atthapali/rm_line.php?B=12&A=3945&modeTY=2&pagebreak=1#p177
