บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Saṃ.A. (sārattha.2) Page 228.
6. Lābhasakkārasaṃyutta 1. Paṭhamavagga 1. Dāruṇasuttavaṇṇanā [157] Lābhasakkārasaṃyuttassa paṭhame dāruṇoti thaddho. Lābhasakkārasilokoti ettha lābho nāma catupaccayalābho. Sakkāroti tesaṃyeva sukatānaṃ susaṅkhatānaṃ lābho. Silokoti vaṇṇaghoso. Kaṭukoti tikhiṇo. Pharusoti kharo. Antarāyikoti antarāyakaro. Paṭhamaṃ. 2. Baḷisasuttavaṇṇanā [158] Dutiye bāḷisikoti baḷisaṃ gahetvā caramāno macchaghātako. Āmisagatanti āmisamakkhitaṃ. Āmisacakkhūti āmise cakkhu dassanaṃ assāti āmisacakkhu. Gilabaḷisoti gilitabaḷiso. Anayaṃ āpannoti dukkhaṃ patto. Byasanaṃ āpannoti vināsaṃ patto. Yathākāmakaraṇīyoti yathākāmena yathāruciyā yatheva 1- naṃ bāḷisiko icchati, tathevassa kattabboti attho. Yathākāmakaraṇīyo pāpimatoti yathā kilesamārassa kāmo, evaṃ kattabbo, nirayaṃ vā tiracchānayoniṃ vā petavisayaṃ 2- vā pāpetabbo. Dutiyaṃ. 3-4. Kummasuttavaṇṇanā [159] Tatiye mahākummakulanti mahantaṃ aṭṭhikacchapakulaṃ. Agamāsīti "addhā ettha kiñci khāditabbaṃ atthi, taṃ maccharāyanto maṃ esa nivāretī"ti saññāya @Footnote: 1 Sī. yathā vā 2 cha.Ma.,i. pettivisayaṃ, evamuparipiThe Pali Atthakatha in Roman Character Volume 12 Page 228. http://84000.org/tipitaka/read/attha_page.php?book=12&page=228&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=5092&pagebreak=1 http://84000.org/tipitaka/atthapali/rm_line.php?B=12&A=5092&pagebreak=1#p228
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]