บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒) หน้าที่ ๒๓๒.
สิเนรุมตฺโตปิ ปจฺจยราสิ จาเลตุํ น สกฺโกติ. ยทา ปน สีลํ ปหาย ลาภสกฺการํ นิสฺสิโต ๑- โหติ, ตทา กุณฺฑกมุฏฺฐิเหตุปิ มุสา ภาสติ, อญฺญํ วา อกิจฺจํ กโรติ. ทุติยํ อุตฺตานเมวาติ. ปฐมทุติยานิ. ๓-๑๐. สุวณฺณนิกฺขสุตฺตาทิวณฺณนา [๑๖๙] ตติยาทีสุ สุวณฺณนิกฺขสฺสาติ เอกสฺส กาญฺจนนิกฺขสฺส. สิงฺคินิกฺขสฺสาติ สิงฺคิสุวณฺณนิกฺขสฺส. ปฐวิยาติ จกฺกวาฬพฺภนฺตราย มหาปฐวิยา. อามิสกิญฺจิกฺขเหตูติ กสฺสจิเทว อามิสสฺส เหตุ อนฺตมโส กุณฺฑกมุฏฺฐิโนปิ. ชีวิตเหตูติ อฏวิยํ โจเรหิ คเหตฺวา ชีวิเต โวโรปิยมาเน ตสฺสปิ เหตุ. ชนปทกลฺยาณิยาติ ชนปเท อุตฺตมิตฺถิยา ตติยาทีนิ. ทุติโย วคฺโค. ------------- ๓. ตติยวคฺค ๑-๒. มาตุคามสุตฺตาทิวณฺณนา [๑๗๐-๑๗๑] ตติยวคฺคสฺส ปฐเม น ตสฺส ภิกฺขเว มาตุคาโมติ น ตสฺส รโห เอเกกสฺส ๒- นิสินฺนสฺส เตน ธมฺเมน อตฺถิโกปิ มาตุคาโม จิตฺตํ ปริยาทาตุํ สกฺโกติ, ยสฺส ลาภสกฺการสิโลโก จิตฺตํ ปริยาทาตุํ สกฺโกตีติ อตฺโถ. ทุติยํ อุตฺตานเมวาติ. ปฐมทุติยานิ. ๓-๖. เอกปุตฺตกสุตฺตาทิวณฺณนา [๑๗๒-๑๗๕] ตติเย สทฺธาติ โสตาปนฺนา. เสสเมตฺถ อุตฺตานเมว. ตถา จตุตฺเถ ปญฺจเม ฉฏฺเฐ จ. ตติยาทีนิ. @เชิงอรรถ: ๑ ฉ.ม.,อิ. สกฺการนิสฺสิโต ๒ ฉ.ม. เอกกสฺสเนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๓๒. http://84000.org/tipitaka/read/attha_page.php?book=12&page=232&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5171&modeTY=2&pagebreak=1 http://84000.org/tipitaka/atthapali/th_line.php?B=12&A=5171&modeTY=2&pagebreak=1#p232
จบการแสดงผล หน้าที่ ๒๓๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]