ATTHAKATHA Book 12 : PALI ROMAN
Sam.A. (sarattha.2)
Page 234.

                           4. Catutthavagga
                       1-4. Bhindisuttadivannana
    [180-183] Catutthavaggassa pathamam uttanameva. Dutiyadisu kusalamulanti
alobhaditividhakusaladhammo. Sukko dhammoti tasseva pariyayadesana. Ayam panettha
sankhepattho:- yassa kusalamuladisankhatassa anavajjadhammassa asamucchinnatta
devadatto sagge va nibbatteyya, maggaphalani va adhigaccheyya, svassa
samucchedamagama sabbaso samucchinno vinattho. Pathamadini.
                       5. Acirapakkantasuttavannana
    [184] Pancame parabhavayati avuddhiya vinasaya. Assatariti valavaya kucchismim
gadrabhassa jata. Attavadhaya gabbham ganhatiti tam assena saddhim sampayojenti,
sa gabbham ganhitva kale sampatte vijayitum na sakkoti, padehi bhumiyam paharanti
titthati, athassa cattaro pade catusu khanukesu bandhitva kucchim phaletva
potam 1- niharanti, sa tattheva marati. Tenetam vuttam. Pancamam.
                       6. Pancarathasatasuttavannana
    [185] Chatthe bhattabhiharoti abhiharitabbam bhattam. Tassa pana pamanam
dassetum panca ca thalipakataniti vuttam. Tattha eko thalipako dasannam purisanam
bhattam ganhati. Nasaya pittam bhindeyyunti acchapittam va macchapittam vassa
nasapute pakkhipeyyum. Chattham.
@Footnote: 1 Si. potakam


The Pali Atthakatha in Roman Character Volume 12 Page 234.
http://84000.org/tipitaka/read/attha_page.php?book=12&page=234&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=5212&modeTY=2&pagebreak=1
http://84000.org/tipitaka/atthapali/rm_line.php?B=12&A=5212&modeTY=2&pagebreak=1#p234