บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Saṃ.A. (sārattha.2) Page 237.
9. Dhātusuttavaṇṇanā [196] Navame viññāṇadhātuvasena nāmaṃ, sesāhi rūpanti nāmarūpaṃ kathitaṃ. Navamaṃ. 10. Khandhasuttavaṇṇanā [197] Dasame rūpakkhandho kāmāvacaro, sesā cattāro sabbasaṅgāhikaparicchedena catubhūmakā. Idha pana tebhūmakāti gahetabbā. Dasamaṃ. Paṭhamo vaggo ------------- 2. Dutiyavagga 1-10. Cakkhusuttādivaṇṇanā [198-199] Dutiye dasapi 1- uttānatthāneva. Paṭhamādīni. 11. Anusayasuttavaṇṇanā [200] Ekādame imasmiñca saviññāṇake kāyeti attano saviññāṇakakāyaṃ dasseti, bahiddhā cāti parassa saviññāṇakaṃ vā aviññāṇakaṃ vā. Purimena vā attano ca parassa ca viññāṇameva 2- dasseti, pacchimena bahiddhā anindriyabaddharūpaṃ. Ahaṃkāramamaṃkāramānānusayāti ahaṅkāradiṭṭhi ca mamaṅkārataṇhā ca mānānusayā ca. Na hontīti ete kilesā kathaṃ jānantassa etesu vatthūsu na hontīti pucchati. Sammappaññāya passatīti 3- saha vipassanāya maggapaññāya suṭṭhu passati. 4- Ekadasamaṃ. @Footnote: 1 cha.Ma. pi-saddo na dissati 2 Sī.,i. saviññāṇameva @3 Sī.,i. passatoti 4 Sī.,i. passantassaThe Pali Atthakatha in Roman Character Volume 12 Page 237. http://84000.org/tipitaka/read/attha_page.php?book=12&page=237&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=5260&pagebreak=1 http://84000.org/tipitaka/atthapali/rm_line.php?B=12&A=5260&pagebreak=1#p237
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]