Vuddhi bhavissati"ti mahajanassa gandhapupphadini vancanaya gahetva mahajanam
dudditthim macchaditthim ganhapesi, tasma taya kammasabhagataya gandhapupphadinam
thenitatta duggandha, duddassanassa gahitatta duddasika virupa bibhaccha
hutva nibbatta. Catuttham.
5. Okilinisuttavannana
[216] Okilinivatthusmim upakkam okilinim okirininti sa kira
angaracitake nipanna vipphandamana viparivattamana paccati, tasma opakka
ceva hoti unhena aggina pakkasarira, okilini ca kilinnasarira, bindunissa 1-
sarirato paggharanti, okirini ca angarasamparikinna. Tassa hi hetthatopi
kimsukapupphavanna angara ubhayapassesupi, akasatopissa upari patanti. Tena
vuttam "upakkam okilinim okirinin"ti. Sa issapakata sapatim angarakatahena
okiriti tassa kira ranno eka natakini angarakataham samipe thapetva
gattato udakam punchati, panina ca sedam karoti. Rajapi taya saddhim kathanci
karoti, paritutthakaranca dassesi. Aggamahesi tam asahamana issapakata hutva
acirapakkantassa ranno tam angarakataham gahetva tassa upari angare okiri.
Sa tam kammam katva tadisamyeva vipakam paccanubhavitum petaloke nibbatta. Pancamam.
6. Asisakasuttavanna
[217] Coraghatavatthusmim so ranno anaya digharattam coranam sisani
chinditva petaloke nibbattanto asisakabandho 2- hutva nibbatti. Chattham.
@Footnote: 1 Si. sedabindunissa 2 cha.Ma.,i. asisakam kabandham
The Pali Atthakatha in Roman Character Volume 12 Page 245.
http://84000.org/tipitaka/read/attha_page.php?book=12&page=245&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=5418&modeTY=2&pagebreak=1
http://84000.org/tipitaka/atthapali/rm_line.php?B=12&A=5418&modeTY=2&pagebreak=1#p245
