9. Opammasamyutta
1. Kutasuttavannana
[223] Opammasamyuttassa pathame kutam gacchantiti kutangama. Kutam
samosarantiti kutasamosarana. Kutasamugghatati kutassa samugghata. 1- Avijjasamugghatati
arahattamaggena avijjaya samugghata. 1- Appamattati satiya avippavase thita
hutva. Pathamam.
2. Nakhasikhasuttavannana
[224] Dutiye manussesu paccajayantiti ye manussalokato cuta manussesu
jayanti, te evam appakati adhippayo. Annatra manussehiti ye 2- manussalokato
cuta thapetva manussalokam catusu apayesu paccajayanti, te mahapathaviyam pamsu
viya bahutaRa. Imasmim ca sutte devapi manusseheva sangahita. Tasma yatha
manussesu jayanta appaka, evam devesupiti veditabba. Dutiyam.
3. Kulasuttavannana
[225] Tatiye supadhamsiyaniti suvihethiyani. Kumbhatthenakehiti ye paragharam
pavisitva dipalokena oloketva parabhandam haritukama ghate dipam katva pavisanti, te
kumbhatthenaka nama, tehi kumbhatthenakehi. Supadhamsiyo hoti amanussehiti
mettabhavanarahitam hi pamsupisacaka vidhamsayanti, 3- pageva ulara amanussa.
Bhavitati vaddhita. Bahulikatati punappunam kata. Yanikatati yuttayanam viya
kata. Vatthukatati patitthanatthena vatthu viya kata. Anutthitati adhitthita. 4-
Paricitati samantato cita suvaddhita susamaraddhati cittena sutthu samaraddha. Tatiyam.
@Footnote: 1 Si. kutasamugghatena, cha.Ma. samugghatena 2 cha.Ma.,i. ye pana
@3 Si. pamsupisacakapi dhamsayanti 4 Si. avatthita
The Pali Atthakatha in Roman Character Volume 12 Page 247.
http://84000.org/tipitaka/read/attha_page.php?book=12&page=247&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=5447&modeTY=2&pagebreak=1
http://84000.org/tipitaka/atthapali/rm_line.php?B=12&A=5447&modeTY=2&pagebreak=1#p247
