ATTHAKATHA Book 12 : PALI ROMAN
Sam.A. (sarattha.2)
Page 255.

                        11. Singalasuttavannana
    [233] Ekadame yena yena icchatiti so jarasingalova icchiticchitatthane
iriyapathakappanena sitavatupavayanena ca antarantara cittassadampi labhatiti dasseti.
Sakyaputtiyapatinnoti idam devadattam sandhaya vuttam. So hi ettakampi
cittassadam anagate attabhave na labhissatiti. Ekadasamam.
                      12. Dutiyasingalasuttavannana
    [234] Dvadasame katannutati katajananam. Kataveditati katavisesajananam.
Tatridam jarasingalassa katannutaya vatthu:- satta kira bhataro khettam kasanti,
tesam sabbakanittho khettapariyante thatva gavo rakkhati. Athekam jarasingalam
ajagaro ganhi, so tam disva yatthiya pothetva vissajjapesi. Ajagaro singalam
vissajjetva tameva ganhi. Singalo cintesi "mayham imina jivitam dinnam,
ahampi imassa dassami"ti yagughatassa upari thapitam vasim mukhena damsitva tassa
santikam agamasi. Itare bhataro 1- disva "singalo vasim harati"ti anubandhimsu.
So tehi ditthabhavam natva vasim tassa santike chaddetva palayi. Itare
agantva kanittham ajagarena gahitam disva vasiya ajagaram chinditva tam
gahetva agamamsu. Evam jarasingale siya ya kaci katannuta katavedita.
    Sakyaputtiyapatinneti idampi devadattassa acarameva sandhaya vuttanti.
Dvadasamam.
                      Opammasamyuttavannana nitthita
                         ---------------
@Footnote: 1 Si. khadamana, ka. kasamana,


The Pali Atthakatha in Roman Character Volume 12 Page 255.
http://84000.org/tipitaka/read/attha_page.php?book=12&page=255&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=5633&modeTY=2&pagebreak=1
http://84000.org/tipitaka/atthapali/rm_line.php?B=12&A=5633&modeTY=2&pagebreak=1#p255