ATTHAKATHA Book 12 : PALI ROMAN
Sam.A. (sarattha.2)
Page 288.

                     7. Upadaparitassanasuttavannana
    [7] Sattame upadaparitassananti gahanena uppannam paritassanam.
Anupadaaparitassananti agahanena aparitassanam. Rupaviparinamanuparivatti
vinnanam hotiti "mama rupam viparinatan"ti va "ahu vata metam, dani vata me
natthi"ti va adina nayena kammavinnanam rupassa bhedanuparivatti hoti.
Viparinamanuparivattijati viparinamassa anuparivattito viparinamarammanacittato jata.
Paritassanadhammasamuppadati tanhaparitassana ca akusaladhammasamuppada ca. Cittanti
kusalacittam. Pariyadaya titthantiti pariyadiyitva titthanti. Uttasavati
sauttaso. Vighatavati savighato sadukkho. Apekkhavati salayo. Upadaya ca
paritassatiti ganhitva paritassako nama hoti. Na rupaviparinamanuparivattiti
khinasavassa kammavinnanameva natthi, tasma rupabhedanuparivatti na hotiti vattum
vattati. Sattamam.
                   8. Dutiyaupadaparitassanasuttavannana
    [8] Atthame tanhamanaditthivasena desana kata. Iti patipatiya catusu
suttesu vattavivattameva kathitam. Atthamam.
                      9. Kalattayaaniccasuttavannana
    [9] Navame ko pana vado paccuppannassati paccuppannampi
kathava ka, aniccameva tam. Te bhikkhu atitanagatam aniccanti sallakkhetva
paccuppanne kilamimsu, atha nesam ito atitanagatepi 1- "paccuppannam
aniccan"ti vuccamane 2- bujjhissantiti ajjhasayam viditva sattha
puggalajjhasayena imam desanam desesi. Navamam.
@Footnote: 1 Si. atitanagatatopi, Ma. atitanagatopi     2 Ma. vuccamano


The Pali Atthakatha in Roman Character Volume 12 Page 288.
http://84000.org/tipitaka/read/attha_page.php?book=12&page=288&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=6346&modeTY=2&pagebreak=1
http://84000.org/tipitaka/atthapali/rm_line.php?B=12&A=6346&modeTY=2&pagebreak=1#p288