ATTHAKATHA Book 12 : PALI ROMAN
Saṃ.A. (sārattha.2)
Page 295.

    "attā hi attano nātho ko hi nātho paro siyā"ti. 1- Tenāha
"anaññasaraṇā"ti. Ko panettha attā nāma? lokiyalokuttaro dhammo. Tenevāha
"dhammadīpā dhammasaraṇā anaññasaraṇā"ti. Yonīti kāraṇaṃ "yoni hesā bhūmija
phalassa adhigamāyā"tiādīsu 2- viya. Kiṃpahotikāti kiṃpabhutikā, kuto pabhavantīti
attho. Rūpassa tvevāti idaṃ tesaṃyeva sokādīnaṃ pahānadassanatthaṃ āraddhaṃ.
Na paritassatīti na gaṇhāti na gahati 3-. Tadaṅganibbutoti tena vipassanaṅgena
kilesānaṃ 4- nibbutattā tadaṅganibbuto. Imasmiṃ sutte vipassanāva kathitā. Paṭhamaṃ.
                        2. Paṭipadāsuttavaṇṇanā
    [44] Dutiye dukkhasamudayagāminī samanupassanāti yasmā sakkāyo dukkhaṃ,
tassa ca samudayagāminī paṭipadā nāma "rūpaṃ attato samanupassatī"ti evaṃ
diṭṭhisamanupassanā vuttā, tasmā dukkhasamudayagāminī samanupassanāti ayamettha attho
hoti. Dukkhanirodhagāminī samanupassanāti ettha saha vipassanāya catumaggañāṇaṃ
"samanupassanā"ti vuttaṃ. Iti imasmiṃ sutte vaṭṭavivaṭṭaṃ kathitaṃ. Dutiyaṃ.
                         3. Aniccasuttavaṇṇanā
    [45] Tatiye sammappaññāya daṭṭhabbanti saha vipassanāya maggapaññāya
daṭṭhabbaṃ. Virajjati vimuccatīti maggakkhaṇe virajjati, phalakkhaṇe vimuccati. Anupādāya
āsavehīti anuppādanirodhena niruddhehi āsavehi aggahetvā iti vimuccati.
Rūpadhātuyātiādi paccavekkhaṇadassanatthaṃ vuttaṃ. Saha phalena paccavekkhaṇadassanatthanti
vadantiyeva. Ṭhitanti upari kattabbakiccabhāvena ṭhitaṃ. Ṭhitattā santusitanti
@Footnote: 1 khu.dha. 25/160/45        2 Ma.u. 14/226/192
@3 Sī. na gaṇhati na bhāyati      4 Sī. sokānaṃ.


The Pali Atthakatha in Roman Character Volume 12 Page 295.
http://84000.org/tipitaka/read/attha_page.php?book=12&page=295&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=6490&pagebreak=1
http://84000.org/tipitaka/atthapali/rm_line.php?B=12&A=6490&pagebreak=1#p295