ATTHAKATHA Book 12 : PALI ROMAN
Sam.A. (sarattha.2)
Page 299.

Patisandhiakaddhanasamatthataya vuddhiadini apajjeyya. Vinnanupayanti padassa
aggahane karanam vuttameva. Vocchicchatarammananti patisandhiakaddhanasamatthataya
abhavena arammanam vocchicchati. Patittha vinnanassati kammavinnanassa patittha
na hoti. Tadappatitthitanti tam appatitthitam. Anabhisankhacca vimuttanti patisandhim
anabhisankharitva vimuttam. Pathamam.
                          2. Bijasuttavannana
    [54] Dutiye bijajataniti bijani. Mulabijanti vacam vacattam haliddam
singiveranti evamadi. Khandhabijanti assattho nigrodhoti evamadi. Phalubijanti
ucchu velu naloti evamadi. Aggabijanti ajjukam phanijjakanti evamadi.
Bijabijanti salivihiadi pubbannanceva muggamasadi aparannanca. Akkhandaniti
abhinnani. Bhinnakalato patthaya bijam bijatthaya na upakappati. Aputikaniti
udakatemanena aputikani. Putibijam hi bijatthaya na upakappati. Avatatapahataniti
vatena ca atapena ca na hatani, nirojatam na papitani. Nirojam hi
kasatam bijam bijatthaya na upakappati. Saradaniti gahitasarani patitthitasarani.
Nissaranhi bijam bijatthaya na upakappati. Sukhasayitaniti cattaro 1- mase kotthe
pakkhittaniyameneva sukham sayitani. Pathaviti hettha patitthanapathavi. Apoti
uparisnehaaPo. Catasso vinnanatthitiyoti kammavinnanassa arammanabhuta
rupadayo cattaro khandha. Te hi arammanavasena patitthabhutatta pathavidhatusadisa.
Nandirago sinehanatthena apodhatusadiso. Vinnanam saharanti sappaccayam
kammavinnanam. Tam hi bijam viya pathaviyam arammanapathaviyam viruhati. Dutiyam.
                         3. Udanasuttavannana
    [55] Tatiye udanam udanesiti balavasomanassasamutthanam udanam udahari.
Kim nissaya panesa bhagavato uppannoti. Sasanassa niyyanikabhavam. Katham? evamkirassa
@Footnote: 1 Si.,Ma. te cattaro


The Pali Atthakatha in Roman Character Volume 12 Page 299.
http://84000.org/tipitaka/read/attha_page.php?book=12&page=299&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=6574&modeTY=2&pagebreak=1
http://84000.org/tipitaka/atthapali/rm_line.php?B=12&A=6574&modeTY=2&pagebreak=1#p299