บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Saṃ.A. (sārattha.2) Page 309.
(8) 3. Khajjanīyavagga 1-3. Assādasuttādivaṇṇanā [73-75] Khajjanīyavaggassa ādito tīsu suttesu catusaccameva kathitaṃ. Paṭhamādīni. 4. Arahantasuttavaṇṇanā [76] Catutthe yāvatā bhikkhave sattāvāsāti bhikkhave yattakā sattāvāsā nāma atthi. Yāvatā bhavagganti yattakaṃ bhavaggaṃ nāma atthi. Ete aggā ete seṭṭhāti ete aggabhūtā ceva seṭṭhabhūtā ca. Yadidaṃ arahantoti ye ime arahanto nāma. Idampi suttaṃ purimanayeneva ussādanandiyañca palobhanīyañcāti veditabbaṃ. Athāparaṃ etadavocāti tadatthaparidīpanāhi ceva visesatthaparidīpanāhi ca gāthāhi etaṃ "sukhino vata arahanto"tiādivacanaṃ avoca. Tattha sukhinoti jhānasukhena maggasukhena phalasukhena ca sukhitā. Taṇhā tesaṃ na vijjatīti tesaṃ apāyadukkhajanikā taṇhā na vijjati. Evaṃ te imassapi taṇhāmūlakassa dukkhassa 1- abhāvena sukhitāva. Asmimāno samucchinnoti navavidho asmimāno arahattamagge samucchinno. Mohajālaṃ padālitanti ñāṇena avijjājālaṃ phālitaṃ. Anejanti ejāsaṅkhātāya taṇhāya pahānabhūtaṃ arahattaṃ. Anupalittāti taṇhādiṭṭhilepehi alittā. Brahmabhūtāti seṭṭhabhūtā. Pariññāyāti tīhi pariññāhi parijānitvā. Sattasaddhammagocarāti saddhā hirī ottappaṃ bāhusaccaṃ āraddhavīriyatā apaṭṭhitassatitā paññāti ime satta saddhammā gocarā 2- etesanti sattasaddhammagocaRā. @Footnote: 1 cha.Ma. ayaṃ pāṭho na dissati 2 cha.Ma. gocaroThe Pali Atthakatha in Roman Character Volume 12 Page 309. http://84000.org/tipitaka/read/attha_page.php?book=12&page=309&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=6800&pagebreak=1 http://84000.org/tipitaka/atthapali/rm_line.php?B=12&A=6800&pagebreak=1#p309
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]