Baddho hutva jayati ca jiyyati ca miyyati ca asma loka param sokam gacchatiti.
Imasmim sutte vattadukkham kathitanti. Chatthadini uttanatthaneva. Pancamadini.
10. Silavantasuttavannana
[122] Dasame aniccatotiadisu hutva abhavakarena aniccato,
patipilanakarena dukkhato, abadhatthena rogato, antodosatthena gandato, tesam
tesam gandanam paccayabhavena va khananatthena va sallato, dukkhatthena aghato,
visabhagamahabhutasamutthanaabadhapaccayatthena abadhato, asakatthena parato,
palujjanatthena palokato, sattasunnatatthena sunnato, attabhavena anattato.
Evamettha "aniccato palokato"ti dvihi padehi aniccamanasikaro, "sunnato
anattato"ti dvihi anattamanasikaro, sesehi dukkhamanasikaro vuttoti veditabbo.
Sesamettha uttanatthameva. Dasamam.
11. Sutavantasuttavannana
[123] Tatha ekadasame. Dasamasmim hi "silavata"ti catuparisuddhisilam vuttam,
idha sutavatati kammatthanam vuttam. Idameva nanakaranam. Ekadasamam.
12-13. Kappasuttadivannana
[124-125] Dvadasamaterasamani rahulovadasadisanevati. Dvadasamaterasamani.
Dhammakathikavaggo dutiyo.
----------------
The Pali Atthakatha in Roman Character Volume 12 Page 364.
http://84000.org/tipitaka/read/attha_page.php?book=12&page=364&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=8029&modeTY=2&pagebreak=1
http://84000.org/tipitaka/atthapali/rm_line.php?B=12&A=8029&modeTY=2&pagebreak=1#p364
