3. Diṭṭhisaṃyutta
1. Sotāpattivagga
1. Vātasuttavaṇṇanā
[206] Diṭṭhisaṃyutte na vātā vāyantītiādīsu evaṃ kira tesaṃ diṭṭhi:-
"yepi ete rukkhasākhādīni bhañjantā vātā vāyanti, na ete vātā, vātaleso
nāmeso, vāto pana esikatthambho viya pabbatakūṭaṃ viya ca ṭhito. Tathā yāpi
etā tiṇakaṭṭhādīni vahantiyo nadiyo sandanti, na ettha udakaṃ sandati,
udakaleso nāmesa, udakaṃ pana esikatthambho pabbatakūṭaṃ viya ca ṭhitaṃ. Yā cimā
gabbhiniyo vijāyantīti ca vuccanti, kiñcāpi milātudarā honti, gabbho pana na
nikkhati, gabbhaleso nāmeso, gabbho pana esikatthambho viya pabbatakūṭaṃ viya ca
ṭhito. Yepi ete candimasūriyā udenti vā apenti vā, neva te udenti na
apenti, candimasūriyaleso nāmesa, candimasūriyā pana esikatthambho viya pabbatakūṭaṃ
viya ca ṭhitā"ti.
2-4. Etaṃmamasuttādivaṇṇanā
[207-209] Diṭṭhantiādīsu diṭṭhaṃ rūpāyatanaṃ. Sutaṃ saddāyatanaṃ. Mutaṃ
gandhāyatanaṃ rasāyatanaṃ phoṭṭhabbāyatanaṃ. Taṃ hi patvā gahetabbatomuttanti ca vuttaṃ.
Avasesāni sattāyatanāni viññātaṃ nāma. Pattanti pariyesitvā vā apariyesitvā
vā pattaṃ. Pariyesitanti pattaṃ vā apattaṃ pariyesitaṃ. Anuvicaritaṃ manasāti cittena
anusañcaritaṃ. Lokasmiṃ hi pariyesitvā pattampi atthi, pariyesitvā no pattampi,
apariyesitvā pattampi. Apariyesitvā no pattampi. Tattha pariyesitvā pattaṃ
The Pali Atthakatha in Roman Character Volume 12 Page 369.
http://84000.org/tipitaka/read/attha_page.php?book=12&page=369&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=8119&pagebreak=1
http://84000.org/tipitaka/atthapali/rm_line.php?B=12&A=8119&pagebreak=1#p369
