บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 369.
3. Ditthisamyutta 1. Sotapattivagga 1. Vatasuttavannana [206] Ditthisamyutte na vata vayantitiadisu evam kira tesam ditthi:- "yepi ete rukkhasakhadini bhanjanta vata vayanti, na ete vata, vataleso nameso, vato pana esikatthambho viya pabbatakutam viya ca thito. Tatha yapi eta tinakatthadini vahantiyo nadiyo sandanti, na ettha udakam sandati, udakaleso namesa, udakam pana esikatthambho pabbatakutam viya ca thitam. Ya cima gabbhiniyo vijayantiti ca vuccanti, kincapi milatudara honti, gabbho pana na nikkhati, gabbhaleso nameso, gabbho pana esikatthambho viya pabbatakutam viya ca thito. Yepi ete candimasuriya udenti va apenti va, neva te udenti na apenti, candimasuriyaleso namesa, candimasuriya pana esikatthambho viya pabbatakutam viya ca thita"ti. 2-4. Etammamasuttadivannana [207-209] Ditthantiadisu dittham rupayatanam. Sutam saddayatanam. Mutam gandhayatanam rasayatanam photthabbayatanam. Tam hi patva gahetabbatomuttanti ca vuttam. Avasesani sattayatanani vinnatam nama. Pattanti pariyesitva va apariyesitva va pattam. Pariyesitanti pattam va apattam pariyesitam. Anuvicaritam manasati cittena anusancaritam. Lokasmim hi pariyesitva pattampi atthi, pariyesitva no pattampi, apariyesitva pattampi. Apariyesitva no pattampi. Tattha pariyesitva pattamThe Pali Atthakatha in Roman Character Volume 12 Page 369. http://84000.org/tipitaka/read/attha_page.php?book=12&page=369&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=8119&modeTY=2&pagebreak=1 http://84000.org/tipitaka/atthapali/rm_line.php?B=12&A=8119&modeTY=2&pagebreak=1#p369
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]