ATTHAKATHA Book 12 : PALI ROMAN
Sam.A. (sarattha.2)
Page 379.

Veditabbo. Nekkhammaninnanti navalokuttaradhammaninnam. Cittanti
samathavipassanacittam. Abhinnasacchikaraniyesu dhammesuti paccavekkhanananena
abhijanitva sacchikatabbesu chalabhinnadhammesu, ekam dhammam va ganhantena
nekkhammanti gahetabbam. Sesam sabbattha uttanamevati.
                      Kilesasamyuttavannana nitthita.
                        ----------------
                          7. Sariputtasamyutta
                      1-9. Vivekajasuttadivannana
    [332-340] Sariputtasamyuttassa pathame na evam hotiti ahankaramamankaranam
pahinatta evam na hoti. Dutiyadisu eseva nayo. Pathamadinipi.
                        10. Sucimukhisuttavannana
    [341] Dasame sucimukhiti evamnamika. Upasankamiti theram abhirupam dassaniyam
suvannavannam samantapasadikam disva "imina saddhim parihasam karissami"ti
upasankami. Atha therena tasmim vacane patikkhitte "idanissa vadam aropessami"ti
mannamana tenahi samana ubbhamukho 1- bhunjasiti aha. Disamukhoti catuddisamukho,
catasso disa olokentoti attho. Vidisamukhoti catasso vidisa olokento.
    Vatthuvijjatiracchanavijjayati vatthuvijjasankhataya tiracchanavijjaya
vatthuvijja nama labuvatthukumbhandavatthumulakavatthuadinam vatthunam phalasampattikarana-
kalajananupayo. Micchajivena jivikam kappentiti teneva
@Footnote: 1 Si. uddhammukho


The Pali Atthakatha in Roman Character Volume 12 Page 379.
http://84000.org/tipitaka/read/attha_page.php?book=12&page=379&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=8335&modeTY=2&pagebreak=1
http://84000.org/tipitaka/atthapali/rm_line.php?B=12&A=8335&modeTY=2&pagebreak=1#p379