Upakappanti. So data hoti mulagandhananti so kalanusarikadinam mulagandhanam
data hoti. Evam sabbapadesu attho veditabbo. Evam hi sarikkhadanampi datva
patthanam thapenti, asarikkhadanampi. Tam dassetum so annam detitiadi dasavidham
danavatthu vuttam. Sesam sabbattha uttanamevati.
Gandhabbakayasamyuttavannana nitthita.
--------------
11. Valahakasamyuttavannana
[550-606] Valahakasamyutte valahakakayikati valahakanamake devakaye
uppanna akasacarikadeva. Sitavalahakati sitakaranavalahaka. Sesapadesupi
eseva nayo. Cetopanidhimanvayati cittatthapanam agamma. Sitam hotiti yam
vassane va hemante va sitam hoti, tam utusamutthanameva. Yam pana sitepi atisitam,
gimhe ca uppannam sitam, tam devatanubhavena nibbattasitam nama. Unham hotiti yam
gimhane unham, tam utusamutthanikam pakatikameva. Yam pana unhepi atiunham,
sitakale ca uppannam unham, tam devatanubhavena nibbattaunham nama. Abbham
hotiti abbhamandapo 1- hoti. Idhapi yam vassane ca sisire ca abbham uppajjati,
tam utusamutthanikam pakatikameva. Yam pana abbheyeva atiabbham, sattasattahampi
candimasuriye chadetva ekandhakaram karoti, yanca cittavesakhamasesu abbham, tam
devatanubhavena uppannaabbham nama. Vato hotiti yo tasmim tasmim utumhi
uttaradakkhinadi pakativato hoti, ayam utusamutthanova. Yopi pana
rukkhakkhandhadipadalano ativato nama atthi, ayanceva, yo ca annopi akalavato, ayam
@Footnote: 1 Si. abbhamandalo
The Pali Atthakatha in Roman Character Volume 12 Page 383.
http://84000.org/tipitaka/read/attha_page.php?book=12&page=383&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=8416&modeTY=2&pagebreak=1
http://84000.org/tipitaka/atthapali/rm_line.php?B=12&A=8416&modeTY=2&pagebreak=1#p383
