บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 77.
Netum, catusacce pana maggananena patividdhe parato paccavekkhanananam nama hoti, tena nayam netiti veditabbo. 1- Abbhannamsuti abhiannimsu 2- janimsu. Seyyathapaham etarahiti yatha aham etarahi catusaccavasena janami. Anvaye nananti anuaye nanam, dhamme nanassa anugamane nanam, paccavekkhanananassetam namam. Dhamme nananti maggananam. Imasmim sutte khinasavassa sekkhabhumi kathitati. 3- Tatiyam. 4. Dutiyananavatthusuttavannana [34] Catutathe sattasattariti satta ca sattari ca. Byanjanabhanaka kira te bhikkhu, bahubyanjanam katva vuccamane pativijjhitum sakkonti, tasma tesam ajjhasayena idam suttam vuttam. Dhammatthitinananti paccayakarananam. Paccayakaro hi dhammanam pavattitthitikaranatta dhammatthititi vuccati, ettha nanam dhammatthitinanam, etasseva chabbidhassa nanassetam adhivacanam. Khayadhammanti khayagamanasabhavam. Vayadhammanti vayagamanasabhavam. Viragadhammanti virajjanasabhavam. Nirodhadhammanti nirujjhanasabhavam. Sattasattariti ekekasmim satta satta katva ekadasasu padesu sattasattari. Imasmim sutte vipassanapattivipassana nama 4- kathita. Catuttham. 5. Avijjapaccayasuttavannana [35] Pancame samudayo hotiti sattha idheva desanam osapesi. Kimkaranati? ditthigatikassa okasadanattham. Tassam hi parisati uparambhacitto @Footnote: 1 cha.Ma. veditabba, i. veditabbam @2 cha.Ma.,i. abhiannamsu 3 cha.Ma.,i. kathita hoti @4 cha.Ma. vipassanapativipassanaThe Pali Atthakatha in Roman Character Volume 12 Page 77. http://84000.org/tipitaka/read/attha_page.php?book=12&page=77&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=1713&modeTY=2&pagebreak=1 http://84000.org/tipitaka/atthapali/rm_line.php?B=12&A=1713&modeTY=2&pagebreak=1#p77
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]