บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 85.
Phassoti tinnam sangatiya phasso. Ayam kho bhikkhave dukkhassa samudayoti ayam vattadukkhassa nibbatti nama. Atthangamoti bhedo. Evam hi vattadukkham bhinnam hoti appatisandhiyam. Tatiyam. 4. Lokasuttavannana [44] Catutthe lokassati sankharalokassa. Ayamettha viseso. Catuttham. 5. Natikasuttavannana [45] Pancame natiketi dvinnam natakanam game. Ginjakavasatheti itthakahi kate mahapasade. Dhammapariyayanti dhammakaranam. Upassutiti 1- upassatitthanam, yam thanam upagatena sakka hoti bhagavato saddam sotum, tattha thitoti attho. So kira gandhakutiparivenasammajjanattham agato attano kammam pahaya bhagavato dhammaghosam sunanto atthasi. Addasati tada kira bhagavato aditova paccayakaram manasikarontassa "idam imina paccayena hoti, idam imina"ti avajjato yava bhavagga ekanganam ahosi, sattha manasikaram pahaya vacasa sajjhayam karonto yathanusandhina desanam nitthapetva "api nu kho imam dhammapariyayam koci assosi"ti avajjento tam bhikkhum addasa. Tena vuttam "addasa kho bhagava"ti. Assosi noti assosi nu. Athava assosi noti amhakam bhasantanam assositi. ugganhahitiadisu sutva tunhibhutova pagunam karonto ugganhati nama. Padanupadam ghatetva vacaya paricitam karonto pariyapunati nama. Ubhayathapi pagunam adharappattam karonto dhareti nama. Atthasanhitoti karananissito. @Footnote: 1 Si.,i. upassutintiThe Pali Atthakatha in Roman Character Volume 12 Page 85. http://84000.org/tipitaka/read/attha_page.php?book=12&page=85&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=1890&modeTY=2&pagebreak=1 http://84000.org/tipitaka/atthapali/rm_line.php?B=12&A=1890&modeTY=2&pagebreak=1#p85
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]