ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๘๕.

ผสฺโสติ ติณฺณํ สงฺคติยา ผสฺโส. อยํ โข ภิกฺขเว ทุกฺขสฺส สมุทโยติ อยํ
วฏฺฏทุกฺขสฺส นิพฺพตฺติ นาม. อฏฺฐงฺคโมติ เภโท. เอวํ หิ วฏฺฏทุกฺขํ ภินฺนํ
โหติ อปฺปฏิสนฺธิยํ. ตติยํ.
                         ๔. โลกสุตฺตวณฺณนา
    [๔๔] จตุตฺเถ โลกสฺสาติ สงฺขารโลกสฺส. อยเมตฺถ วิเสโส. จตุตฺถํ.
                         ๕. ญาติกสุตฺตวณฺณนา
    [๔๕] ปญฺจเม ญาติเกติ ทฺวินฺนํ ญาตกานํ คาเม. คิญฺชกาวสเถติ อิฏฺฐกาหิ
กเต มหาปาสาเท. ธมฺมปริยายนฺติ ธมฺมการณํ. อุปสฺสุตีติ ๑- อุปสฺสติฏฺฐานํ,
ยํ ฐานํ อุปคเตน สกฺกา โหติ ภควโต สทฺทํ โสตุํ, ตตฺถ ฐิโตติ อตฺโถ.
โส กิร คนฺธกุฏิปริเวณสมฺมชฺชนตฺถํ อาคโต อตฺตโน กมฺมํ ปหาย ภควโต
ธมฺมโฆสํ สุณนฺโต อฏฺฐาสิ. อทฺทสาติ ตทา กิร ภควโต อาทิโตว ปจฺจยาการํ
มนสิกโรนฺตสฺส "อิทํ อิมินา ปจฺจเยน โหติ, อิทํ อิมินา"ติ อาวชฺชโต ยาว
ภวคฺคา เอกงฺคณํ อโหสิ, สตฺถา มนสิการํ ปหาย วจสา สชฺฌายํ กโรนฺโต
ยถานุสนฺธินา เทสนํ นิฏฺฐเปตฺวา "อปิ นุ โข อิมํ ธมฺมปริยายํ โกจิ อสฺโสสี"ติ
อาวชฺเชนฺโต ตํ ภิกฺขุํ อทฺทส. เตน วุตฺตํ "อทฺทสา โข ภควา"ติ.
    อสฺโสสิ โนติ อสฺโสสิ นุ. อถวา อสฺโสสิ โนติ อมฺหากํ ภาสนฺตานํ
อสฺโสสีติ.   อุคฺคณฺหาหีติอาทีสุ สุตฺวา ตุณฺหีภูโตว ปคุณํ กโรนฺโต อุคฺคณฺหาติ
นาม. ปทานุปทํ ฆเฏตฺวา วาจาย ปริจิตํ กโรนฺโต ปริยาปุณาติ นาม. อุภยถาปิ
ปคุณํ อาธารปฺปตฺตํ กโรนฺโต ธาเรติ นาม. อตฺถสญฺหิโตติ การณนิสฺสิโต.
@เชิงอรรถ:  สี.,อิ. อุปสฺสุตินฺติ



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๘๕. http://84000.org/tipitaka/read/attha_page.php?book=12&page=85&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=1890&modeTY=2&pagebreak=1 http://84000.org/tipitaka/atthapali/th_line.php?B=12&A=1890&modeTY=2&pagebreak=1#p85


จบการแสดงผล หน้าที่ ๘๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]