บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Saṃ.A. (sārattha.2) Page 86.
Ādibrahmacariyakoti maggabrahmacariyassa ādi patiṭṭhānabhūto. Iti tīsupi imesu suttesu vaṭṭavivaṭṭameva kathitaṃ. Pañcamaṃ. 6. Aññatarabrāhmaṇasuttavaṇṇanā [46] Chaṭṭhe aññataroti nāmavasena apākaṭo aññataro brāhmaṇo. Chaṭṭhaṃ. 7. Jāṇussoṇisuttavaṇṇanā [47] Sattame jāṇussoṇīti ṭhānantaravasena evaṃladdhanāmo asītikoṭivibhavo mahāpurohito. Sattamaṃ. 8. Lokāyatikasuttavaṇṇanā [48] Aṭṭhame lokāyatikoti vitaṇḍasatthe lokāyate kataparicayo. Jeṭṭhametaṃ lokāyatanti paṭhamaṃ lokāyataṃ. Lokāyatanti ca lokasseva āyatanaṃ, 1- bālaputhujjanalokassa āyatanaṃ, 1- mahantagambhīranti upatiṭṭhaṃ 2- parittaṃ chavadiṭṭhigataṃ. 3- Ekattanti ekasabhāvaṃ, niccabhāvamevāti 4- pucchati. Puthuttanti purimasabhāvena nānāsabhāvaṃ, devamanussādibhāvena paṭhamaṃ hutvā pucchā na hotīti ucchedaṃ sandhāya pucchati. Evamettha "sabbamatthi, sabbamekattan"ti imā dvepi sassatadiṭṭhiyo, "sabbaṃ natthi, sabbaṃ puthuttan"ti imā dve ucchedadiṭṭhiyoti veditabbā. Aṭṭhamaṃ. @Footnote: 1 cha. āyataṃ 2 Sī. upaṭṭhitaṃ, cha.Ma. upadhāritabbaṃ @3 Sī. sāsavaṃ diṭṭhigataṃ, cha.Ma. bhāvaṃ diṭṭhigataṃ 4 cha.Ma. niccasabhāvamevaThe Pali Atthakatha in Roman Character Volume 12 Page 86. http://84000.org/tipitaka/read/attha_page.php?book=12&page=86&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=1910&pagebreak=1 http://84000.org/tipitaka/atthapali/rm_line.php?B=12&A=1910&pagebreak=1#p86
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]