อรรถกถาเล่มที่ ๑๒ หน้าที่ ๘๗.

๙. อริยสาวกสุตฺตวณฺณนา [๔๙] นวเม กึ นุ โขติ สํสยุปฺปตติอาการนิทสฺสนํ. ^๑- สมุทยตีติ อุปฺปชฺชติ. นวมํ. ๑๐. ทุติยอริยสาวกสุตฺตวณฺณนา [๕๐] ทสเม เทฺวปิ นยา เอกโต วุตฺตา. อิทเมว ปุริเมน นานตฺตํ, เสสํ ตาทิสเมวาติ. ทสมํ. คหปติวคฺโค ปญฺจโม. ------------- ๖. ทุกฺขวคฺค ๑. ปริวีมํสนสุตฺตวณฺณนา [๕๑] ทุกฺขวคฺคสฺส ปฐเม ปริวีมํสมาโนติ อุปปริกฺขมาโน. ชรามรณนฺติ กสฺมา ชรามรณํ เอกเมว "อเนกวิธํ นานปฺปการกนฺ"ติ วตฺวา คหิตนฺติ เจ? ตสฺมึ คหิเต สพฺพทุกฺขสฺส คหิตตฺตา. ยถา หิ จูฬาย คหิเต ปุริเส โส ปุริโส คหิโตว โหติ, เอวํ ชรามรเณ คหิเต สพฺพํ ทุกฺขํ คหิตเมว โหติ. ตสฺมา "ยํ โข อิทํ อเนกวิธํ นานปฺปการกํ ทุกฺขํ โลเก อุปฺปชฺชตี"ติ นฺหาตฺวา ^๒- ฐิตํ ปุริสํ วิย สพฺพํ ทุกฺขํ ทสฺเสตฺวา ตํ จูฬาย คณฺหนฺโต วิย ชรามรณํ คณฺหิ. ชรามรณนิโรธสารุปฺปคามินีติ ชรามรณนิโรธสฺส สารุปฺปภาเวน นิกฺกิเลสตาย ปริสุทฺธตาย สทิสาว หุตฺวา คามินีติ อตฺโถ. ตถา ปฏิปนฺโน จ โหตีติ @เชิงอรรถ: ^๑ ฉ.ม.,อิ.........ทสฺสนํ ^๒ ม. วตฺวา, ฉ. นฺหตฺวา

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๘๗. http://84000.org/tipitaka/read/attha_page.php?book=12&page=87&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=1929&modeTY=2&pagebreak=1 http://84000.org/tipitaka/atthapali/th_line.php?B=12&A=1929&modeTY=2&pagebreak=1#p87