อรรถกถาเล่มที่ ๑๓ หน้าที่ ๑๐๒.

อาปตฺตึ. น วุฏฺานํ ปญฺายตีติ ปริวาสมานตฺตอพฺภาเนหิ วุฏฺานํ น ทิสฺสตีติ. ๖. อวสฺสุตปริยายสุตฺตวณฺณนา [๒๔๓] ฉฏฺเ นวํ สนฺถาคารนฺติ อธุนา การิตํ สนฺถาคารํ, เอกา มหาสาลาติ อตฺโถ. อุยฺโยคกาลาทีสุ ^๑- หิ ราชาโน ตตฺถ ตฺวา "เอตฺตกา ปุรโต คจฺฉนฺตุ, เอตฺตกา ปจฺฉา, เอตฺตกา อุโภหิ ปสฺเสหิ, เอตฺตกา หตฺถี อภิรุหนฺตุ, เอตฺตกา อสฺเส, เอตฺตกา รเถสุ ติฏฺนฺตู"ติ เอวํ สนฺถํ ^๒- กโรนฺติ, มริยาทํ พนฺธนฺติ, ตสฺมา ตํ านํ สนฺถาคารนฺติ วุจฺจติ. อุยฺโยคฏฺานโต จ อาคนฺตฺวา ยาว เคเหสุ อลฺลโคมยปริภณฺฑาทีนิ กาเรนฺติ, ตาว เทฺว ตีณิ ทิวสานิ เต ราชาโน ตตฺถ สนฺถมฺภนฺตีติปิ สนฺถาคารํ. เตสํ ราชูนํ สห อตฺถานุสาสนํ อคารนฺติปิ สนฺถาคารํ. คณราชาโน หิ เต, ตสฺมา อุปฺปนฺนํ กิจฺจํ เอกสฺส วเสน ^๓- น ฉิชฺชติ, สพฺเพสํ ฉนฺโทปิ ลทฺธุํ วฏฺฏติ, ตสฺมา สพฺเพ ตตฺถ สนฺนิปติตฺวา อนุสาสนฺติ. เตน วุตฺตํ "สห อตฺถานุสาสนํ อคารนฺติปิ สนฺถาคารนฺ"ติ. ยสฺมา ปน เต ตตฺถ สนฺนิปติตฺวา "อิมสฺมึ กาเล กสิตุํ วฏฺฏติ, อิมสฺมึ กาเล วปิตุนฺ"ติ เอวมาทินา นเยน ฆราวาสกิจฺจานิ สมฺมนฺตยนฺติ, ตสฺมา ฉิทฺทาวฉิทฺทํ ฆราวาสํ ตตฺถ สนฺถาคารํ. อจิรการิตํ โหตีติ อิฏฺกมฺมสุธากมฺมจิตฺตกมฺมาทิวเสน สุสชฺชิตํ เทววิมานํ วิย อธุนา นิฏฺาปิตํ. สมเณน วาติ เอตฺถ ยสฺมา ฆรวตฺถุปริคฺคหกาเลเยว เทวตา อตฺตโน วสนฏฺานํ คณฺหนฺติ, ตสฺมา "เทเวน วา"ติ อวตฺวา "สมเณน วา พฺราหฺมเณน วา เกนจิ วา มนุสฺสภูเตนา"ติ วุตฺตํ. @เชิงอรรถ: ^๑ สี. อุยฺโยธ ^๒ ฉ.ม. สนฺถํ, ป.สู. ๓/๒๒/๑๓ ^๓ ม. วจเนน

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๐๒. http://84000.org/tipitaka/read/attha_page.php?book=13&page=102&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=2217&pagebreak=1 http://84000.org/tipitaka/atthapali/th_line.php?B=13&A=2217&pagebreak=1#p102