ATTHAKATHA Book 13 : PALI ROMAN
Sam.A. (sarattha.3)
Page 135.

                          2. Vedanasamyutta
                           1. Sagathavagga
                         1. Samadhisuttavannana
    [249] Vedanasamyutte sagathavaggassa pathame samahitoti upacarena va
appanaya va samahito. Vedana ca pajanatiti vedana dukkhasaccavasena pajanati.
Vedanananca sambhavanti tasamyeva sambhavam samudayasaccavasena pajanati. Yattha cetati
yattheta vedana nirujjhanti, tam nibbanam nirodhasaccavasena pajanati. Khayagaminanti
tasamyeva vedananam khayagaminam maggam maggasaccavasena pajanati. Nicchato parinibbutoti
nittanho hutva kilesaparinibbanena parinibbuto. Evamettha sutte sammasanacarika
vedana kathita. Gathasu dvihi padehi samathavipassana kathita, sesehi catusaccam
kathitam. Evamettha sabbasangahiko catubhumakadhammaparicchedo vutto.
                          2. Sukhasuttavannana
    [250] Dutiye adukkhamasukham sahati adukkhamasukhanca sukhadukkhehi saha.
Ajjhattanca bahiddha cati attano ca parassa ca. Mosadhammanti nassanasabhavam.
Palokinanti palujjanakam bhijjanabhavam. Phussa phussa vayam phussanti 1- nanena phusitva
samphassanto. 2- Evam tattha virajjatiti evam tasu vedanasu virajjati. Idhapi
sutte sammasanacaravedana kathita, gathasu nanaphusanam.
                         3. Pahanasuttavannana
    [251] Tatiye acchecchi tanhanti sabbampi tanham chindi samucchindi.
Vivattayi sannojananti dasavidhampi samyojanam parivattayi nimmulamakasi. Sammati hetuna
@Footnote: 1 cha. passanti        2 Ma. phusanto, cha. passanto


The Pali Atthakatha in Roman Character Volume 13 Page 135.
http://84000.org/tipitaka/read/attha_page.php?book=13&page=135&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=2962&modeTY=2&pagebreak=1
http://84000.org/tipitaka/atthapali/rm_line.php?B=13&A=2962&modeTY=2&pagebreak=1#p135